suleng nyak muda

2년 전

image


Rindu teupeuprom.....

Mirah hu boh jambe leumah lam salop
Meuheut keuneuk cot runong galom na
Hawa nyak muda ka han troh ji grop
Teupeusop peusop meublek blek mata

Adak pih boh manggeh na di sampeng
Hanjeut ji keureuleng male ngon yah wa
Adak pih meunan meu ilah paleng
Sigo2 sit nyak muda keureuleng keu ubat mata

Si kumbang ceudah nyak aini cantek
Leupah that meugrop hate nyak muda
Bah pih ise mata ji tilek
Han mungken nyak muda ek bak rinyun yah wa

Teupeusom meuprom cinta meu seume
Luroh pih reule hanjeut keu tanda
Tanda yang ka ji tueng peumeuri bagah
Sinyak ti aisyah nyan yang kalheuh me tanda

Laot yang luwah mandum ie masen
Teumpat meuseuda si lumba lumba
Sayang nyak muda hate ka meupaleng
Nyan sang gara gara piyoh bak rumoh yah wa

Dalam hate gundah nyak muda yup suleng
Keu ubat baten yang teungoh gulana
Ji tuju gaseh keu dara keu neubah
Keu siti Aisyah si puteh kuneng

Buloh peurindu ji meusu meu alon
Hate yang rihon seungap ban sigra
Nyan dum meurdu nyak muda yup suleng
Sampe teupana nyak aini aneuk yah wa

Oh...si ayeum mata pajan nyak muda duek sandeng
ie mata meu leng leng teu tahe geunta.......

Saleum nyak muda keu kawom dum na (steemians)

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT