KONTES MEUPANTOEN DALAM BAHASA ACEH #16 | Pengumuman Kontes 15

2년 전

http://www.pantonaceh.com


cover.jpg

Syarat dan Ketentuan Kontes PANTOEN edisi 16

  • Resteem post nyo (tujuan jih untuk promosi kontes nyo ke mandum rakan - rakan steemit)
  • Peugot saboh panton dalam bahasa aceh beuna kata - kata "BATEU PUASA" lam panton nyan (paleng kureng saboh bait).
  • Pantoen yang kaleuh neupegot ne post bak komentar post nyo.
  • Pantoen harus karya dro dan hanjet jiplak bak buku atau internet (belum pernah dipublikasi)
  • Pantoen hana payah panyang yang penteng bermakna
  • Wate jih 3 uro mulai postingan nyo kamo terbitkan.

Hadiah

  • 3 boh panton terpilih akan merempok hadiah dari kamo.
  • Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)

Sponsor





3 PANTOEN TERPILIH BAK KONTES KE-15



Seulamat kepada @yayan, @mibnu dan @ahadipj . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Mandum Panton karya rakan - rakan jeut ne akses melalui : http://www.pantonaceh.com

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Asalamualaikom haba dile phon
Wali ngon karong jamak lon sapa
Lon coba rika panton lon puphon
Lon cuba suson bateu puasa

Siploh boh sebab lam kitab geupegah
Meunan gesurah hana pat dawa
Yang ke phon bateu pasoe ie lam babah
Sengaja muntah bateu puasa

Ke lheei senggama dosa geupegah
Napsu meulimpah bateu puasa
Ke limong wareh darah wiladah meunan gepegah
Hedz nyan darah bak kawom hawa

Nam pasoe ie lam punyueng
Lam ruhung idong sampoe kepala
Didalam punggong meunan cit hai rakan
Bak perempuan nifas darah nyan bateu puasa

Yang lebeh bangai pe pungo pungo droe
Allah yang sidroe di pegah dua
Murtad oh akhe telah oh dudoe
Iman tan meuho angoh buet dosa

Etnan lon teupe hai rakan ampon
Pat na salah lon nekritik sigra
Bek sampo dosa singoh bak rabbon
Sebab lon pegah yang hana hana

  ·  2년 전

YANG JEUT KEU BATEU PUASA

Na ulon baca lam saboh kitab
Kitab jih arab lon seubot nama
Sinan meutuleh dalam saboh bab
Lengkap ngoen syarat rukon puasa

Bateu puasa pih na geu tuleh
Lengkap ngoen bareh lafai ngoen makna
Lon cuba surah keu bandum wareh
Teubai ngoen lipeh lon ci peunyata

Lage geu tuleh lam kitab fiqah
Lon cuba surah siala kada
Lon cuba surah ubena meufom
Keubandum kawoem wareh syadara

Yang keu phoen bateu jinoe lon peugah
Lam ruhung babah atau kepala
Atau lam hidong atau lam punyung
Atau jeut ruhung laju lon peugah

Hanjeut ta pasoe meu sapue benda
Bateu puasa meunan lam surah
Lam ruhung idoeng meunan cit punyung
Man mandum ruhung wajeb peulara

Meunan ciet ubat pasoe lam ulei
Adak peureulei bateu puasa
Meunan cit ubat boeh bak tsakalen
Atau suaten bak laen surah

Meunyoe ta muntah watee cot uroe
Meunan cit bagoe wahee syedara
Sebab muntah nyan najis yang kutoe
Meunyoe oeh uroe bateu puasa

Han jeut eh dua oeh watee uroe
Han jeut ta peutoe ngoen ma sidara
Roeh meu seutuboeh inong ngoen lakoe
Nyan pih hai adoe bateu puasa

Meunan cit inzal teubiet mani droe
Bak kalon binoe buleun puasa
Atau bak mayang bak eh cot uroe
Mani ji pupoe bateu puasa

Meunyoe yang inoeng troeh watee kutoe
Walau si uroe haed kelua
Bateu puasa ngoen seubab kutoe
Beuna meurunoe wahee nyak dara

Meunan cit nifas nyoe kana lakoe
Karap troek uroe bayi keulua
Ji teubiet darah yang kutoe kutoe
Meunan cit adoe bateu puasa

Atawa pungoe koen peu pungoe droe
Pungoe keu lakoe atau keu janda
Ka putoh kawat jilhap tiep uroe
Nyan pih lom bagoe bateu puasa

Pulom teu meurtad etikeud salah
Ka miseu Allah roeh takheun dua
Roeh takheun sulet di rasulullah
Nyan pih lon surah bateu puasa

Kabeh lon seubut lagee lon teupu
Lagee kheun teungku surah lon rika
Lon eu lam kitab koen baca buku
Hana pu ragu wahee syedara

Sekian.

Di ticem pala buruca rucii..
Ticem keudi di meublek-blek mata..

Deungoen bismillah peujo ilahi..
Keu fhoen mulai haba lon rika..

Nibak uro nyo uloen mulai..
Pantoen loen rawi Bateu Puasa..

Nibak judul Nyoe kageupu pasti..
Ole sang akhy gelar SOGATA..

Di eungkoet bagok Mangat tapeuplik..
Di eungkot sungiek rame yang hawa..

Bateu Puasa wahe ee machiek..
Jino loen liriek lewat udara..

Ubena rongga di ateuh tuboh..
Keunan hanjeut roeh meusipu benda..

baik minuman makanan pajoeh..
Troek bak meuseutuboh hanjeut laksana..

Yang Bateu Puasa payah peujioh..
Syeitan di reuloh gata di goda..

Sidom itam di lieh ii kupi..
Sidom meuriti ijak bak saka..

Bateu Puasa loen tamah rawi..
Kelua mani gata meusenda..

Troek di halangan oleh sinyak tii..
Nifas kameuri wiladah teuka..

Pitam ngoen mabok yang mutaaddi..
Ulama rienci Bateu puasa..

lengkap ngoen pungo muda ngoen mudi..
Akhy ngoen ukhty mandum semua..

Oh noe meumada hukom loen rinci..
nyan intisari ifta Ulama..

Mandum geutanyoe wajeb ta tueri..
Wajeb mengerti dak pieh ka tuha..

salam alaikom Abu ngoen gure..
Kajeut Nyoe Dile bak loen yang kana..

10 PEUKARA BATEU PUASA

Bateu puasa saudara jinoe lon peugah
Lagee lam surah lam kitab kalheuh lon baca
10 Peukara ulama ka geu peujelah
Lon coba surah neudengoe wahee syedara

Teuma yang keu phoen lam ruhung atau lam rongga
Bek taculok sapu hai teungku bateu puasa
Bek culek punyung culek hidom sama juga
Meunyoe ta culek hai cut dek bateu puasa

Teuma keudua lam kitab ka geu peuteuntei
Ka nibak ulee ta boeh ubat karna luka
Ubat yang taboeh ka tumboh tamoeng lam ulee
Nyan pih hai sampee ka teuntei bateu puasa

Yang keu 3 bateu beu tateupu wahee sahbat
Roeh ta boeh ubat bak reumbong atau bak zaka
Buleun puasa miseu aneuk miet peu sunat
Meunyoe boeh ubat ka teunte bateu puasa

Teuma yang ke 4 saudara dengoe lon surah
Jiteubiet muntah cot uroe dengoen sengaja
Bak seukat gigoe culok jaroe dalam babah
Hana faedah muntah ji pupoe uluwa

Teuma yang keu 5 ka teunte jinoe lon peugah
Meu pajoh capah coet uroe ngoen ma sidara
Teungoeh ta eh eh atra jeh hawa sileumpah
Walau ta rupah ka gura bateu puasa

Teuma yang keu 6 lon seuboet wahee bang gani
Jiteubiet manie bak mayang ngoen ma sidara
Di teungku lintoe baroe phoen geuwoe bak dek tie
Ka jiteubiet ie bak geu cukeh-cukeh boh pha

Keu tujoeh haid yang inong atau nyak dara
Bateu puasa lam kitap meunan geu peugah
Keu lapan nifas yang inoeng wahee saudara
Han sah puasa lagee ka lon baca surah

Teuma sikureung gadoeh akai sabab pungoe
Meujak sigoe sahoe di gobnyan akai geuh hana
Ka bateu puasa meunyoe pungoe watee uroe
Jeut jak barang kahoe dan pajoeh pu yang geuhawa

Keu siploeh murtad ureung nyan ka jeut keu kafe
Puasa hana le walau pih geu makan hana
Nyan siploeh peukara lon seuboet wahee ee sampe
Hasee lon kaji lam kitab ban kheun ulama

Lam Kitab fikah na surah bak matan takreb
Wahee ee saheb bak leuboi dua ploeh tiga
Bak kitab shiam neu cie buka hai thaleb
Kon haba lon palet lon surah keu gura gura

Nisam Antara, 23 Mei 2018

Assalamu'alaikum warahmatullah
Uloen peutrok bagah bandum keu saudara
Kon haba Mayang dan Kon haba gundah
Karangan yang susah payah bateu puasa tema

Hanjeut tahireun Ngon peukateun yang jeut takalon
Agam ngoen Inong kadijak dua

Meuah loen peugah dan Kon ngada-ngada bukti takalon nyata lageinyan rupa

Bek tapike yang Hana peurlee beudoh hai rakan tajak meuguree
Bek tameutiree yang kon Kon rupa
Pubuet yang suroeh peujioeh teugah
Buet yang khilaf beu ampoen dosa

Katateupeu nyan buet larang
Beujioh hai rakan nibak buet dosa
Puasa nibak beuleun ramadhan
Ingat hai rakan hal yang bateu puasa

Cuma oh noe yang jeut loen peuingat
Bek sampe sesat tamong nuraka
Neubaca baca peu mantong yang bateu puasa
Mudah-mudahan tanyoe tamoeng syurga

Panton Aceh

Assamualikum kaom keurabat
Timu ngen barat tuha ngen muda
Saleum lon kirem hai rakan keu ubat
Geulantoe ta mumat jaroe bandua

Alhamdulillah Allah hadharat
Keunoe meusapat bandum na doa
Seulaweut saleum mandum meuhat
Keu Nabi Muhammad pang ulee donya

Sayang peurahoe ka hanco beukah
Tiang jih patah buet angen raya
Keu bateu puasa teuma lon peugah
Sayang lon leupah han meuphoen cara

Tajak u Bungie lewat keumangan
Dua tikungan langsong meusua
Beuleun puasa le that pantangan
Buet nyan geularang bek ta keurija

Jitoeh ujeun oeh beuleun leumah
Takeloen boebah ie lam paya
Bateu puasa han jeut lon kisah
Sayang lon leupah saket keupala

Bungie, 23 Mei 2018.

Saleum rakan saleum ramadhan
Keupeuphon hajat neuk meucerita
Koen neuk seumeubeut ken ciet neuk mesurah
Cuma keuhaba nak sah puasa

Perle tatupu perle that ta pham
Meunyo keu iseulam cit mandum ka meuhoe
Perle tatilek hadist ngon ayat
Bek salah kaprah ban lhe ploh uro rugoe

Meumacam cara syetan peudaya
Keu umat islam yang na puasa
Dari lheuh sawoe sampoe oh wate buka
Ji ilah daya godaan jiba

Oh wate uroe dum makanan ji peuhawa
Termasok mata yang that bahaya
Jipeubeudoh nafsu kadeungon syahwat
Inong meupakat habeh cerita

Kadang na cit bak peugah haba
Leupah bak mayang kajued keudawa
Geu meu soh soh hingga roe darah
Hana geu ingat uro puasa

Hana guna jak meu hek
Beudoeh sawoe dengon preh buka
Meunyo babah ngon mata
Han ek tajaga

Wassalam..
By @amrizal.amd

BATEU PUASA

Si beurang kasoe hamba di tuhan
Yang na puasa buleun ramadhan
Beu na geu mufom syarat ngoen rukon
Meunan lom ampon yang bateu teuma

Bek culok benda u dalam ruhung
Contoh jih punyung hidong kepala
Han jeut ta muntah dengoen sengaja
Atau ta pajoh makanan teuma

Bek roeh ta watak dengan isteri
Bak buleun suci raya that dausa
Meusoe yang pubut geukheun le nabi
Denda bak rabbi meulipat ganda

Bak mubasyarah dengan isteri
Meu cupet gaki meu uroet dada
Ngoen tiba-tiba ka teubiet mani
Nyan pih hai akhi bateu puasa

Jiteubiet haid ka dengoen nifas
Atau wiladah bak laen kali
Jiteuka mabok reuneng ngoen pitam
Mandum hai rakan bateu puasa

Pulom mureutad rayoek that salah
Siksa bak Allah kekal nuraka
Meunyoe mureutad wahee ee akhie
Bak buleun suci bateu puasa

Nyan keuh sekedar lon puta putie
Keu soal dali lam kitab kana
Lam kita fikah jeut neu peurati
Dalam bajuri lengkap lagoina

Dengan wassalam ulon akhiri
Dan wabillahi taufiq hidayah
Beu panyang umu lam buleun suci
Allah beu neubrie keulon afuwah

Amin... Aceh Utara, 23 Mei 2018

"Puasa ramadhan neupeuwajeb le allah
Keumandum mukallaf bagi yang kuasa
Meuso yang pubut fahala geubalah
Deungen rahmat allah tamoeng syiruga
Wate tapubut saboh saboh ibadat
Tentejih meuhat beutateupu le gata
Keupada rukon Keupada syarat
Lom yang peubateu bandum semua
Ibadah puasa nakeuh tatheun droe
Dari seumajoh dari yang membatalkannya
Mulai jiteubit sampe jilop mata uroe
Nyankeuh hai rakan yang geukheun puasa
Yang perle tateupu wahe rakan droe
Teh teh bago yang peubateu puasa
Nyokeuh jinoe lon ci neuk peusampoe
Boh ci neudeungoe bandum syedara
Teuma yang keufon lon peufoen haba
Keupeukara peukara yang bateu puasa
Taculok sesuatu lam rongga teubuka
Baik asai kana atau rongga baro teuka
Lage tapajoh bu meunansyit taboh ubat
Tapubut meuhat deungen taseungaja
Beuthat hati hati wate taboeh hajat
Bek sampe meutarek ata yang keluwa
Selanjeutjih muntah deugen taseungaja
Lage meunye taeu jeh pasti muntah diteuka
Teutap ta eu syit dikareuna hawa
Nyan meunyoe muntah bateu puasa
Seulanjutjih meujimak wahe rakan lon
Walau ngen purumoh droe bateu puasa
Ken cuma bateu puasa yang jeut keuhukuman
Tapi juga wajeb kafarah so yang keurija
Selanjeutjih he ngen nifas bagi ureung inoeng
fam beukeunoeng wahe syedara
Keumandum perkaranyan beugeot tapeutimang
Mangat geukira tanyoe ureung yang puasa.
Cuma eh no dari lontuan
Pat na salah meuah lon pinta
Meunye na salah asoe penyampaian
Peubeutoi hai rakan mangat sempurna.
Wassalam,trimoeng geunaseh.

Bateu Puasa

Assalamualaikum wahe syedara
Mandum lon sapa inong ngen agam
Keuno lon intat na bacut haba
Bateu puasa peuget karangan

Peureutama phon ulon peunyata
Deungo syedara keu peringatan
Yang bek MEUSULET beuleun puasa
Tapeugah haba beutimang timang

Laju lon sambong teuma keudua
Meubek syedara MEU UPAT lheuh nyan
Sabe kheun keugop tanyo meudusta
Gadoh fahala beuleun ramadhan

Teuma yang keu lhee meuno calitra
Wahe syedara minum ngen makan
Pajoh makanan bek taseungaja
Bateu puasa meunyo lagenyan

Meunyo yang keu peut wahe sogata
Bateu puasa dalam Al Qur'an
Hanjeut tajaga pandangan mata
Laju jiteuka nafsu di badan

Yang selanjut jih sambong calitra
Wahe syedara le that pantangan
Wanita haid han sah puasa
Dalam iseulam geupeugah meunan

Diteubiet ie mani pih bateu puasa
Meunyo sengaja dalam bersentuhan
Hanjeut berhubungan siat neu saba
Beuleun puasa memang lagenyan

Cukop le pantangan bak manusia
Dalam Alquran meutuleh sinan
Hansep daweut hp wahe Syedara
Meunyo lon calitra keubiet that panyang

Ahadipj, 25 Mei 2018

"Bateu Puasa"
Saleum keu rakan
saleum keu syedara
Kiban haba di sinan?
Piyoh siat, mangat ta peutroh pe yang peu bateu puasa.

Bulen puasa manteung bak tanyoe mandum
Bulen mulia ke ta peubut ibadah
Dambo i meunasah ka medandum
Nyan keuh tanda ke jeut ta buka puasa

Wate ta puasa han jeut ta pajoh bu
Meunan ka imsak ka jeut ne peu habeh bu lam babah
Bek ta peugah ke gob yang brok yang teungku
Hana i teurimong puasa gata le Allah

Bek gadoh lale peubut yang hana meuase
Sabab le that hai yang jeut peu bateu puasa
Tanyoe umat islam bek meupake - pake
Tajak sambung silaturahmi wate buka puasa

Bek ta jeb i lam glah wahe teungku
Bek ta pajoh bu lam pingan wahe syedara
Miseu dambo meunasah galoem i meusu
Nyan langsong bateu puasa gata

Lam lam saboh hikayat na ke peugah
Padum boh hai yang jeut peu bateu puasa
Mangat puasa gata i teurimong le Allah
Geuteurimong man mandum ibadah gata

Minyeuk ha habeh, panyot ka padam
Nyoe keuh et noe peu tuto malam
Na panyang umu ta meureumpok lom
Hana lam pantoen na lam meunasah

Assalamualaikom saleum lon layang
Keumandum rakan wareh syedara
Jino lon neuk cii coba keumarang
Keumasalah hai rakan bateu puasa
Pubut puasa ngen sunggoh sunggoh
Taharap geubi roh ridha rabbana
Meuyang peubateu beutateupu rakan beh
Mangat meu bek roh tanyoe keurija
Teuma teh teh nyan wahe e rakan
Meuyang peubateu puasa gata
Deungoe lon suebot jino hai rakan
Meunurot ilme bak long yang kana
Jep ie seumajoh yang keufon hairakan
Meunye tapubut nyan deungen seungaja
Ta colok sesuatu lam rongga teubuka
Deungen seungaja juga bateu puasa
Wate tatoeh ek beugeot that tajaga
Bek sampe meutarek ek yang ka uluwa
Selanjeutjih meujimak wahe rakan droe
Teungeh cot uroe purumoh tateuka
Hed ngen nifas bak ureung binoe
Meunye jiteuka juga bateu puasa
Oh lhehnyan pungoe dilikoetnyan pinsan
Ban duaboh nyan juga bateu puasa
Etno keuh sagai dari ulontuan
Meunye na salah peubeutoi le gata.
#Trimoeng geunaseh lon ucapkan keumandum yang baca.

Teurimoeng geunaseh @sogata

·

Masok ju lom na na SBD meubacut teuk😃