KONTES MEUPANTOEN DALAM BAHASA ACEH #20 | Pengumuman Kontes 19

2년 전

http://www.pantonaceh.com


cover.jpg

Syarat dan Ketentuan Kontes PANTOEN edisi 20

  • Resteem post nyo (tujuan jih untuk promosi kontes nyo ke mandum rakan - rakan steemit)
  • Peugot saboh panton dalam bahasa aceh beuna kata - kata "Bateu Pahala Puasa" lam panton nyan (paleng kureng saboh bait).
  • Pantoen yang kaleuh neupegot ne post bak komentar post nyo.
  • Pantoen harus karya dro dan hanjet jiplak bak buku atau internet (belum pernah dipublikasi)
  • Pantoen hana payah panyang yang penteng bermakna
  • Wate jih 3 uro mulai postingan nyo kamo terbitkan.

Hadiah

  • 3 boh panton terpilih akan merempok hadiah dari kamo.
  • Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)

Sponsor






3 PANTOEN TERPILIH BAK KONTES KE-19

Seulamat kepada @adito, @lahkausar dan @mauliza94 . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Gadoh aneuk meupat jrat, gadoh adat hana pat tamita.
http://www.pantonaceh.com

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Assalamualaikum wahe e sahbat
Salem lon sapa lewat media
Saleum beutrok mandum kerabat
Ladoem lam la oet ladoem ka udarat

Jinoe lon peugah bacuet cerita
Keu haba judul bateu pahla puasa
Karna lam hadist kaleuh geu surah
Limong perkara jino loen rinci

Yang phoen semulet gata e akhi
Peugoet pancuri wate uro kha
Oh peugah haba sep tateliti
Keu pura-pura hi beutoi digata

Teuma ke dua geu kheun lalat mirah
Bahasa kitab ghibah geupeunan
Buet ji meu upat uro ngoen malam
Ngoen sama islam jitem meuhina

Adu domba keu lhe loen suson
Wahe e kawoem beugot neujaga
Bek peugah haba ban nyang heut tutoe
Sayang rakan e pake syedara

Teuma yang keu peut kheun sumpah palsu
Bak pike nafsu keu peng on dolar
Hana geukira gob nyawong teu suet
Bah troeh meukeusut peng keu uro raya

Teuma yang akhe wahe sambinoe
Junub bek manoe bak jeum poh dua
Tajaga mata bek meukeureuleng
Keu inoeng canden nafsu bek neuba.

Meumada oh noe wallahuaklam
Doa bak tuhan beujroeh puasa
Ulon toep saleum keu mandum rakan
Keu @sogata dan kawan-kawan

WASSALAM
amrizal.amd

Bukhari-muslim, nyan rawi haba
Bak saboh masa, nabi meukalam
Bateu pahala, ureung puasa
Limong perkara, neu ingat rijang

Peureutama phon, meubek meu dusta
Tapeugah haba, nyan keun-keun kalam
Adak meulawak, keu gura-gura
Tinggai beusigra, peulom ramadhan

Meubek meupat, nyan lumboi dua
Peugah goep cupa, lam kekurangan
Adak ta peugah, atra yang bit na
Hanjeut syedara, nabi nyan larang

Teuma nyang keu Lhee, geutanyoe gisa
Ta adu domba, paloe hanaban
Bak saboeh pihak, meunoe bicara
Laen lom haba, bak ngoen jih teuma

Meusumpah palsu, nyan keu pheut teuma
Meubak nyan hana, ek saksi sinan
Meubek wallahi, nibak perkhara
Tajak kheun lanja, meung padahal tan

Keun nyan seuneulheuh, tajaga mata
Bek syahwat teuma, wate meumandang
Adak lam maya, atawa nyata
Bek coba-coba, ta meungieng meunan

Kulak boh pisang, geupakek saka
Meunyoe boh naga, pane lage nyan
Lon lake idin, ulon neuk gisa
Bak akhe haba, lon kheun wassalam

Panton Aceh | Bateu Pahala Puasa


Assamualaikum mandum sahabat
Seleum lon intat keu mandum gata
Ta suot saleum laju beu leugat
Timu ngen barat mandum seureuta

Deungon Bismillah lon peu phoen kalam
Ta pujoe Tuhan sidroe nyan Esa
Seulaweut saleum keu janjongan
Pang ule alam ban sigoem donya

Ujong Aceh na pulo sabang
Ngen pemandangan indah lagoina
Bateu pahala puasa jinoe lon karang
Deungoe hai rakan tuha ngen muda

Bek ta seumulet bak bulan suci
Harta nyan hana kri bek tayoe raba
Peugah haba beu hati - hati
Mue sumpah palsu bek roeh bak gata

Nye di Tangse na paya guci
Paya nyan sunyi sepi lagoina
Bek ta ta meu upat bak bulan suci
Ingat hai abi tuha ngen muda

Ta jak ubanda ta lewat Sigli
Keuripet boh ubi di Saree teuma
Buet adu domba nyan lom hai abi
Bak bulan suci bek roeh keurija

Dimulot tiwah dicoeng bak giri
Simirah pati di dalam cintra
Ta jaga mata bak bulan suci
Keu dara tari nafsu bek neuba

Taloe bineh glee di buka jalan
Taloe bineh blang ureung seumula
Nye meujunub di beuleun ramadhan
Manoe beu awai bek gadoeh pahala puasa

Dimusue musang oeh malam sunyi
Sue adi - adi oeh watee sinja
Meumada oeh noe haba lon rawi
Samboeng keulai bak kontes @sogata

Sabang, 26 Mei 2018

assalamualaikum rakan meutuah timu ngon barat jino lon kisah.
meunyoe na salah meuah lonlakee.
maklum lon baro meurunoe peugot panton.
untuk bateu pahala puasa rakan meutuah hana that payah bak tamita.
meu upat nyan salah saboh tanda.
lalat mirah keuboh nama.
Teuma yang laen peulaloe droe bak tapi maksit.
pue that panyang tarika haba lethat ureung yang muphom masalah bateu pahala puasa.
ohnoe keuhdile rika lon peugah, malam kajula. teurimoeng geunaseh keuh @sogata yang ka peuudep lom panton aceh.
Wasallamu'alaikum

Salamualaikom haba lon sanjong
Tentang hai panton bateu pahala
Bateu pahala puasa wahe rakan lon
Yang pertama phon teuga medusta

Teuma ke dua fitnah lam gampong
Jeut rata duson kawon ta hina
Ke lhee bateu pahala gata rakan lon
Le that mbong gata lam dada

Teuma bacut teuk ulon tuan suson
Syahwat mesinthong jeet ke binasa
Nyoe keuh etno dile wahe ee ampon
Ngat lebeh muphom udayah ta teuka

Ideh tatanyong bak Abu langsong
Pakiban hukom yang sebenarnya

Bateu pahala puasa

BATEU PAHALA PUASA

Salam'alaikom rakan meutuah
Bacut lon kisah keu bhah puasa
"Bateu Pahla Puasa" tujuan lon
Kisah dengo beu jelah roh goh

Binasa menyo geutanyoe theun
deuk dengan grah bacut tan susah
bak tanyoe jaga tapi golam jroh
ka nibak Allah menyo leupah tuto kata

Gata ta kalon pue yang meurimbah
Tuto bak babah hana ta jaga meu
see meusulet ngen hamba Allah
lagee nyan surah "Bateu pahla puasa"

Teuman yang ladom di khem meu
hah-hah u dalam babah ie ji teuka
hana tasaja tuwe tarudah lagee nyan
surah "bateu pahla puasa"

makanan ta eu ka ro ie babah meunan
pih salah payah ta jaga menyo rakan
lon sayang si leupah tajaga bu pah
Bek "Bateu pahla puasa" mangat bek

Rugoe theun deuk dengon grah ta jaga
Bupah mandum yang binasa sebab
lee guree meunan geu surah peularha
Lidah bak peugah haba.

Wassalamu'alaikum warahmatullahi wabarakatuh

Dengoen Bismillah uloen mula fhoen..
Ngoen Nama Rabbon Tuhan yang tinggi..

Segenap peujo keumandum akhon..
Loen keuneuk meupantoen keu 20kali..

Kueh ketupat geubalot ngoen oen..
Timphan baloen Sinaga sari..

Bateu fahala puasa rika keu Pantoen..
Wahe ooe Abon neuci perihati..

Babah meu upat dusta meurawoen..
Fitnah meususoen Lom buet yang keuji..

Bateu fahala puasa rika loen Samboeng..
Sumpah di akhon tajadi - jadi..

Ta adu domba sesama kaom..
Muka lage kom balang peut segi..

Kaloen meusyahwat badan dek ukhton..
peurumoeh tacoem mestra sekali..

Dak pih puasa Han Bateu Aboen..
Fahla meu seusoen Hana le geubrie..

Meunan geusurah Gure di uloen..
Wate bak Abon di paya pasie..

Oeh Noe meumada hay Teungku Ampoen..
Rika loen susoen berjumpa lagi..

Sekian!...

KIBAN BATEU PAHALA PUASA
Assalamualaikom lon puphon haba
Tuha ngen muda mandum lon sapa
Nibak kalinyo lon neuk ci calitra
Bateu pahala puasa judul ulon ba
Perle tanyoe teupu mandum syedara
Bateu pahala ngen bateu puasa dua hana sa
Meunye puasa kabateu pahala pih ikot serta
Tapi nye bateu pahala keukal puasa pahala hana
Bateu puasa ngen taseumajoh dan seubagainya
Nye bateu pahala ngen seubab maksit gata keurija
Meunye bateu pahala gata kaglah ngen rabbana
Kaglah tuntutan tapi sayag keubalasan digata hana
Teh teh seubab lontuan rasa hana perle seubot
Ateuh nan maksit pahala puasa jipeulupot
Meunye na hawa puasa gata beujet keubut
Ubena maksit tatheun legata bekroh tapubut
Nyokeuh sagai bacut haba bak lontuan
Ube kada meunurot ilme bak lon yang na
Meunye beutoi jet teungku cok keu amalan
Meunye salah bagah bagah neutik lam paya.
#wassalam,trimoeng geunaseh.

BATEU FAHLA PUASA

Salam alaikum hai kawom mandum syedara
Tuha ngoen muda inong agam ulon sapa
Yang na digampong ataupun yang na di kota
Nyoe hana trep le meu akhe buleun puasa

Beu ta jaga droe bek rugoe wahe syedara
Rugoe ta theun deuk ta theun grah watee uroe kha
Hana faedah geu balah le po ta'ala
Tapi oeh dudoe ka hana fahla puasa

Tanyoe puasa mita fahla wahee teungku
Beuna ta jaga meuhan fahala pih bateu
Walau puasa geutanyoe hana meuganggu
Tapi balasan bak tuhan hana meusapue

Buleun puasa bek meu upat wahee teungku
Ka gadoeh fahla walau puasa han bateu
Ta peugah keugoeb atau takheun beurang kapue
Leubeh goet ta eh sideh didalam keu leumbu

Atau yang hareum roeh meu kalon sigoe goe
Ta saja ta kalon ureung jak manoe ngoen lakoe
Nyan bateu fahla puasa nibak geu tanyoe
Beu ta peujioh hai rakan beh tiep tiep uroe

Rindu makanan laen nibaknyan oeh uroe
Meuheut teuh raya boh meuriaya oeh cot uroe
Tijoeh ie babah sang beukah ile lam igoe
Nyan pih hai akhi bateu fahla pauasa geutanyoe

Ta peugah haba tan faedah sabee keudroe
Ta kheum meu hah hah sang babah ka teulhoh igoe
Ingat hai sahbat bek batat watee lon pugoe
Meuhan puasa fahala ka tinggai geu tanyoe

Buleun puasa beu le ta baca alkuran
Ta meutadarus bek tuwoe uroe ngoen malam
Atau meuratep sira tapet wahee rakan
Nyan cukop le fahla yang geubri ka uleh tuhan

Wassalam.

Assalamualaikum, saleum keu rakan
Saleum ke peuphon tanda mulia
Kiban haba gata di sinan?
Beuno uroe peu na troh puasa?

Kupie sareng sep that mangat
Kupie sanger sep lemak
Nyoe na haba yang neuk loen peuingat
Haba memakna lam padum boh sajak

Wate neujak u banda neu piyoh u kuta raja
Saboh wilayah di mulai kisah
Nyoe haba tentang pe bateu pahala puasa
Loen tuan peu troh mangat ibadah gata geuteurimong le Allah

Yang phon phon adalah bek gadoh neu peugah ke ureung laen seuiro seupot
Dak pih neu puasa ngon neu jak sabe lam safari ramadhan
Hana meuhase deuk ngon grah bak prut
Sabab ka bateu pahala puasa rakan

Yang kedua adalah bek neu nging yang koen koen
I dara licen peudeuh boh pha
Reut i babah wate takaloen
Payah neu peu jioh atra lage nyan wahe syedara

Yang ke lheu adalah bek neu seumeungut
Ta peu troh haba koen lage na rupa
Rata mandum ureung habeh ta peunget
Nyan ka pasti bateu pahala puasa gata

Yang ke peut adalah bek ne peubut maksit hai syedara
Adak pih ne theun deuk sampo meu reuoh
Nyan meubacut hana le pahala puasa
Atra atra meunan ka jeut ni piyoh

Yang keulimong adalah bek neu meusumpah palsu
Sabab sumpah nyan geu saksikan le Allah
Adak pih neu peusiblah mangat bek karu
Tapi but nyan tetap ge murka le Allah

Yang keenam adalah bek neu peubut ghibah
Adak pih neu pula pingkuy wate sembahyang ngon puasa
Meu bacut hana geuteurimong puasa gata le Allah
Nyan ka pasti ka bateu pahala puasa gata

Nyan keu hai rakan padum boh surah yang na loen ingat
Yang na loen tuen teupu tentang peu bateu pahala puasa
Miseu rakan rakan na yang leubeh teuingat
Jeut neu tulong peugah ke kamoe dum na

Saleum, @mirfaner
Lsm, 6 juni 2018

Aneuk tiong dicoeng bak Langsat..
Biurijuk meuhat buruca - ruci..

Salam alaikom wareh ngoen shabat..
Salam selamat setiap hari...

Tajak ubuetong tak meurunoe silat..
Usabang meuhat tak rekreasi..

BATEU FAHALA PUASA judul ka meupat..
Meunan geu syarat le Teungku juri..

Di awal mula tanyoe meu upat..
Iteubit kalimat dum - dum yang keuji..

Dusta ngoen fitnah wahe ooe shahbat..
Kaleon ngoen syahwat dum Putri - Putri..

Sumpah di palsu jeut keu tabiat..
BATEU FAHALA PUASA nyoeumpat beuna ta tueri..

Wahe ooe Adun Rakan sinaroe..
Bacut bak loen Nyoe na tamah rawi

BATEU FAHALA PUASA bek that meulalo..
Bek tapeu rouh droe bak but geu benci..

Meumada oeh noe nazam bak adoe..
Moga geutanyoe Allah lindungi..

Salam alaikom wahe ayah loen..
Saleum lam Pantoen Aneuk peudoda..

BATEU FAHALA PUASA rika na bak loen..
Rika meu aloen Aneuk peunyata..

Mula awai fhoen Hay Teungku ampon..
Dusta ngoen kaom bak peugah haba

Upat ngoen fitnah bak gata akhoen..
Sumpah tapeuron tapeuna - peuna..

Ta adu domba gata nyak AtoN..
Sesama duson syara di desa..

BATEU FAHALA PUASA Jai that dum Aboen..
Hanya loen susoen cuma sekeda..

Mumada oeh noe bahan loen Pantoen..
Beujeut keu rukon Tinggai di donya..

Semoga tanyoe beujroh tip- tip thoun..
Beujroh Hay akhon seumu masa

BATEU PAHALA PUASA
Sambot saleum lon rakan meutuah
Geulanto tamumat jaro bandua
Bacut na ilme long keuneuk peugah
Teuntang masalah bateu pahala puasa
Meunye puasa hana get tapapah
Sayang meuleumpah pahala hana
Lage tadeunge teungku teungku peugah
:Cuma deuk ngen grah digata yang na
Teh teh teuma wahe e rakan
Amalan amalan yang peubateu pahala
Ubena maksit mandum sekalian
Nyan keuh nyan rakan tukang peubinasa
Taboh contoh yang seureng kejadian
Meuupat taulan khen keu syedara
Geutanyoe peugah keusidro insan
Meunye jideunge beungeh jirasa
Lheuh nyan sulet tau that seureng
Oh wate ganceng han meuho kelua
Oh han peukeu han meuho le keureuleng
Sulet geupeugoet keuseubago peunawa
Meunye ta galak wahe e taulan
Beuna balasan puasa gata
Asai nan maksit mandum sekalian
Peujioh rakan bekroh meukeurija.
Cuma nyo rakan yang na dari lon
Lam kontes meupanton milek sogata
Meunye na salah nyan mandum dari lon
Meunye yang beutoi dari allah taala
#trimoeng geunaseh ulon ucapkan,wassalam.

Apakah saya bisa dengan bebas mengikuti setiap kontes anda

Saya sangat ingin mengikuti kontes...apalagi tentang Pantun daerah

Berpaa macam biasanya anda membuatkan kontes nya

Apakah seluruh orang bebas mengikuti Kontes anda?...
Atau hanya aturan saja

Saya sangat ingin belajar untuk bisa mengikutinjejak anda

Sebutkan beberpaa jenia puisi yang harus saya ikuti