පාරාදීසයක මොහොතක්

3개월 전

20211020_154508.jpg

සතියේ මැද දවසක පෝය යෙදිලා තිබුන නිසා ටිකක් විවේකීව ඉන්න අවස්ථාවක් ලැබුනා.ඒ හින්දම කොහේ හරි තැනකට යන්න තිබුනානම් කියලා දන්න කියන යන්න පුළුවන් කියලා හිතුන තැන් කීපයක් ගැනම විමසුවට ඒ තැන් එකකටවත් යන්න ලැබුනේ නෑ .සමහර තැන් වලට පෝය දවසෙ ඇතුල් වෙන්න අවසර තිබුනේ නෑ .එහෙම ඉන්න අතරෙදි ටිකක් කැලේ ඇතුලට වෙන්න තියෙන සුන්දර දිය ඇල්ලක් ගැන ආරංචියක් ලැබුනා .ඇල්පිටිය -කහදූව මාර්ගයේ ගිහින් පිටුවල කියන ප්‍රදේශයට ගියාම තමයි මේ ස්ථානය ඔබට හමුවන්නේ."අඬා හැලෙන දොළ දිය ඇල්ල " කියලා තමයි නම් කරලා තියෙන්නේ."පිටුවල ඇල්ල "කියලත් කියනවා කියලා යන එන ගමන් හමුවුන කෙනෙක් කිව්වා.අපි ඉතින් වැඩිපුර කල්පනා කර කර ඉන්නෙ නැතුව ඉක්මනටම ගමන පිටත් වුනා.ප්‍රධාන මාර්ගයෙන් ගිහින් ටිකක් ඇතුලට හැරිලා යද්දී එන්න එන්නම කොළපාට ලස්සන පරිසරයක සුන්දරත්වය සැබෑවටම අත් විඳින්න පුළුවන් වුනා.

20211020_160112.jpg

20211020_161408.jpg

මම දැන් හදන්නේ ඔබව දිය ඇල්ල ලඟට එක්කගෙන යන්න.ඔබට ඒ ආසන්නයටම වගේ ඔබේ රථය අරගෙන යන්න පුළුවන් .වාහනයෙන් යන්න පුළුවන් අවසාන නැවතුමේදී ඒක පරෙස්සමෙන් බලාගන්න කණ්ඩායම් කීපයක්ම ඉන්නවා .ඒ අයට වාහනයේ වගකීම බාර කරලා හිතේ නිදහසෙන් ගමන යන්න පටන් ගන්න පුළුවන්.
මෙන්න මෙතන තමයි ඔබට ඔබේ වාහනය රැගෙන යන්න පුළුවන් අවසන් නැවතුම .

20211020_164619.jpg

20211020_164630.jpg

20211020_164746.jpg

20211020_165230.jpg
ඊට පස්සේ සුන්දර තේ වතු මැදින් ,මනස්කාන්ත රක්ෂිතයක් මැදින් ඔබට ඇවිදගෙන යන්න තියෙනවා .ගමන සමහර තැන් වලදී ටිකක් දුෂ්කරයි.හැබැයි ඊට වඩා සුන්දරයි.හතර වටෙන් නමක් ගමක් කියන්න දන්නෙ නැති කුරුල්ලෝ මොනවදෝ කියනවා.ඒ කතන්දරත් අහගෙන එළිමහන් කලාපය පසුකරන ඔබ ඇතුල් වෙන්නේ රක්ෂිතයක් ඇතුලට.එතන ඉඳලා තමයි හරියටම ගමන පටන් ගන්නේ.පුංචි දොළ පාරවල් තරණය කරගෙන .සමහර තැන්වලදී වැල්වල එල්ලිලා ,තවත් තැනකදී ඒදන්ඩක් උඩින් හරිම අපුරු ගමනක් යන්න තියෙන්නේ.ඒ ටික දුර ඇවිදගෙන යද්දී දැනෙන සුන්දරත්වය වචන වලට පෙරලන්න ඇත්තටම අමාරුයි .

20211020_164204.jpg
20211020_164138.jpg

20211020_154346.jpg
20211020_154021.jpg
20211020_154246.jpg
20211020_154525.jpg

20211020_163536.jpg
20211020_163055.jpg

20211020_163341.jpg
එහෙම දුර ගෙවාගෙන ඔබ එන්නේ "අඬා හැලෙන දොළ ඇල්ල "ලඟට.එනකන් තිබුන ගමනේ වෙහෙස දැන් ඔබට දැනෙන්නේවත් නෑ.
fall.jfif

f1.jfif

f1.jfif

f2.jfif
.මේ විදියට ආවට පස්සේ ඔබට කැමතිනම් සීතල වතුර ටිකක් හිතේ හැටියට නාගන්නත් අවස්ථාව තියෙනවා.ඒත් මම ඔබට පුංචි දෙයක් කියන්න ඕනේ.දිය ඇල්ල ගලාහැලෙන තැනට වෙලා ස්නානය කරන එකනම් ටිකක් අවදානම්.වැරදීමකින් හරි පහලට ලිස්සලා ආවොත් අනතුරක් වෙන්න පුළුවන්.ඒ නිසා ඔබට ස්නානය කරන්න ඕනෙම නම් ඒකට විකල්පයක් තියෙනවා.ඇල්ල පටන් ගන්න තැනට යන්න වෙනම පාරක් තියෙනවා .
මෙන්න මේ පඩිපෙළ නැගෙන උඩට ගියාම ඔබට එතනට යන්න පුළුවන් .

20211020_154915.jpg
හැබැයි හරිම පරෙස්සමෙන් තමයි යන්න වෙන්නේ .ගලෙන් ගලට මාරුවෙලා යන්න තියෙන නිසා කල්පනාවෙන් යන්න වෙනවා .පහලට ලිස්සන්න ඉඩ තියෙන නිසා .එහෙම උඩට ගියාම මෙන්න මෙතනින් ඔබට කැමති විදියට ස්නානය කරන්න පුළුවන් පහසුකම් මේ ස්වාභාවික නාන තටාකයේ තියෙනවා.මේ හැමතැනකම පුදුම විදියේ සිසිලසක් වගේම හිත නිවන ලස්සනක් එකතු වෙලා තියෙනවා.

20211020_160242.jpg

20211020_160557.jpg

20211020_161005.jpg
ස්වභාව ධර්මයේ ආශීර්වාදය විඳින ගමන් කලබලකාරී හිතට පුංචි සැනසීමක් දෙන්න කැමතිනම් ඔබට මේ ගමන හරි අපූරු අත්දැකීමක් වේවි කියලා විශ්වාස කරනවා .
ඔබට කැමති වෙලාවක් ගත කරලා ආයෙත් එන්න ගමන ආරම්භ කරන්න පුළුවන්.හැබැයි මතක ඇතිව අඳුර වැටෙන්න කලින් කැලෙන් එලියට එන්න වග බලා ගන්න.නුහුරු නුපුරුදු පරිසරයක් නිසා.
යනවා නම් රබර් සෙරෙප්පු දෙකක් ගෙනියන්න ඒක ගමනට පහසුයි.
පුංචි ළමයි අරගෙන යනවා නම් හරිම පරෙස්සමෙන් කල්පනාවෙන් අරගෙන යන්න.
දිය ඇල්ල උඩට යන්නට උත්සාහ කරන්න එපා .ඒක ටිකක් අනතුරුදායකයි.
ඒ වගේම මේ සොඳුරු පරිසරයේ ඔබ රැගෙන යන කිසිවක් දමා එන්නට එපා.
පා සටහන් පමණක්ම තබා එන්න.
අන් සියල්ල රැගෙන එන්න.
ආයෙමත් ගමන ආරම්භ කරපු තැනට ඇවිත් මෙන්න මෙතනින් උණු උණු පොල් රොටියක ,කර කර රසට හැපෙන ආප්පයක රස බලලා රස තේ කෝප්පයක කෝපි කෝප්පයක උණුසුමත් විඳ ගෙනම ඔබට ආපසු එන්නට පුළුවන්.ඉඩක් තිබුනොත් ගිහින් එන්න.ඒ ගමන හැමදාම මතක තියේවි....

20211020_170029.jpg

20211020_165022.jpg

20211020_160257.jpg

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

lassana thanak neh.. place eka wagema wachana tikath live widiyatama thiynwa

kudello hitiye nedda?

·

ඒක තමයි එහේ තියෙන විශේෂත්වය .එකම එක්කෙනෙක්වත් නෑ .

ලස්සන පැත්තක්...

Beautiful place!

Hi @sarath72, have you subscribed to steemfitnesshub, the first Steem community for body Fitness and overall wellbeing? Do so today and tell us few things about yourself, we have Steem prizes for your grabs.
https://steemit.com/trending/hive-173552