ලබන්නාවූ 2022 වර්ෂය සුබ නව වසරක් වේවා - 5% for SL - Charity

6개월 전

ආයුබෝවන් යාලුවනේ,

කොහොමද ඔයාලට වර්ෂයක් අවසානයේ අවසන් දවසේ අවසන් පැය කිහිපයයි ගතවෙන්නේ. ඒ හැමදේම නිශ්චිත විදියට සිදුවන අතරේ හැමදෙනාටම කියනවා පරිස්සමින් ඉන්න, සතුටින් ඉන්න, හොදින් ඉන්න කියලා.

image.png
Source

ගෙවී යන වසර දිහා ආපසු හැරිලා බැලුවොත් පෞද්ගලිකව අසතුටු වෙන්න කිසිම කාරණාවක් නැහැ.ජීවිතය තව තවත් ශක්තිමත් කරගන්න අත්දැකීම් සමූහයක් ලැබුණා.ප්‍රතික්ෂේප වීම, පසුතැවීම්, කණගාටුවීම්, හඬා වැටීම් අපි හැමෝගෙම ජීවිත වල තියෙනවා. ඒවා ඒ අවස්ථාවට මුහුණදීම සඳහා පමණයි. නැතුව මලු බැඳගෙන නිතර නිතර බලමින් රැගෙන යා යුතු දේවල් නොවෙයි. අගය කිරීම්, වරප්‍රසාද, දිරිගැන්වීම් ජීවිතය සන්තෝෂයට පසුවන කාරණා ලෙස මිස ඒවා ගැනම සිතමින් එකතැන රැඳීම ද නොකළ යුත්තකි.තමාව පිටුපසට අදින කාරණා වේ ද ඒවා නැවත වරක් නොවීමට වගබලා ගැනීම හෝ නොවැළැක්විය හැකි යමක් (ඍණාත්මක කාරණා) සිදුවේ නම් ශක්තිමත්ව මුහුණ දෙන්න ජීවිතය පරිණත කරගැනීමට අත්දැකීමක් කරගන්න.

ජීවිතයේ කිසිම අවස්ථාවකින් පලා යන්න එපා. පලා යාම ඔබේ ජීවිතයට අදාළ නොවේ. ඒ මන්දයත් ඔබ දුර්වලයකු නොවන නිසාවෙනි. ඒ අවස්ථාව සඳහා ඔබ සූදානම් නැතිනම් නවතින්න. සැලසුම් කරන්න. අත්‍යවශ්‍ය නම් උදව් ගන්න.ඒ සඳහා හීනමානයක් ඇති නොවේ. උදව් මතක තියාගන්න. අමතක වීම හා අමතක කිරීම යනු කාරණා දෙකකි.

20211230_174725.jpg

ඉදිරි වර්ෂයේ ඔබ ගොඩනඟා ගත යුතු දේවල් දළ වශයෙන් හෝ සැලසුම් කරන්න. නිවාසයක් තැනීම, වාහනයක් ගැනීම, අධ්‍යාපන ඉලක්කයක් සාර්ථක කරගැනීම විතරක් නොවේ.පවුල් ජීවිතය තුළ පවතින අසමතුලිතතා, නොගැලපෙන තැන්, අඩුපාඩු සකසාගෙන සතුටින් මුහුණ දීම. දැන් නම් ඉතිං නිවාස තැනීම, වාහන ගැනීම හීන විතරක් වෙන්න යන්නේ. ප්ලේන් එකක් සල්ලි වලට ගන්න ඕන කියලා හිතලා ඉතිරිකරමු. ටිකක් හරි හීන ගොඩදාගන්න පුළුවන් වේවි. අපේ වරදක් නොවේ.ඒත් දැන් කරන්න දෙයක් නැහැ.

20211230_174920.jpg

තවත් කෙනෙක් මගේ අත්දැකීමක් මත පියවරක් හෝ ඉදිරියට තබා සාර්ථකව සිටිනවා දැකීම මා හට සතුටක්. ඒ නිසා මේ කාරණාව කියන්නම්. මගේ මහත්තයා මට මුනගැහුනෙ හරියටම විවාහයට අවුරුදු තුනකට කලින්. සාර්ථක හා ප්‍රීතිමත් වූ ජීවිතයක් පවත්වාගෙන යාම සඳහා අප දෙදෙනාට, අප දෙදෙනා ගැලපෙන බව තේරුම්ගත් පසු විවාහ වීමට තීරණය කර දි නියම කරගත්තා. විවාහය සඳහා වියදම් වූ සෑම රුපියලක්ම අප දෙදෙනාගේ සහයෝගයෙන් වියදම් කළේ දෙමව්පියන් දෙදෙනාට කිසිදු අයුරකින් බරක් නොවීමිනි. කියන්න සතුටුයි දෑවැද්දයි, කනකර බඩු ගත්තෙත් මං ඉපයූ මුදල් වලින්මයි. ඒ නිසා තමන් සතු කර ගන්න සෑම දෙයක්ම තමා ඉපයූ මුදලින් ම සිදු කරන්න. වටිනාකම දැනෙන මතකයක් මෙන් අමිලයි. නිරෝගිමත්, හදවතේ සතුට සිනහවෙන් පෙනෙන ප්‍රීතිමත් නව වසරක් වේවා.

ස්තුතියි හැමදෙනාටම.

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

සුභ නව වසරක් වේවා!

·

Sththi.oyatat suba nawa wasarak wewaa.

great article about a wonderful year being an experience beyond beauty. all have experiences but this is not the same which comes with happiness for us.

Happy new year 💖.

Happy new year!