Konteh Jak Ta Péh Tém Officially Starts 📢 | Total Rewards 10 Steem and 5 SBD🤑

2개월 전

IMG_20210516_103626.jpg
Kupi na sikhan ka Uloen seudia, rukok ba keudrou, kuota beu na

Assalamualaikum warahmatullahi wabarrakatuh 🙌


Saleum Uloen peutröeh keu Rakan dumna
Nyang ka biasa pih nyang baroe teuka
Pujoe nyang keu phôn keu Allah Rabbana
Nyang Po donya dan seugala asôe nya

Seulaweut ngôn saleum keu Baginda Rasulullah
Nyang Po nama Muhammad Ben Abdullah
Nibak gobnyan ta côk syafa'at pih faedah
Bék rugoē udéep lam donya 'oh dudöe teulah

Jak keuno Rakan ta duek ta péh tém
Miseu juara na hadiah stem
Adak han mèunang na peu ta peukhém
Sidrou Rakan han jadéh meumat jaroe malem

2zbs8km08v.gif

Peu piyasan?

Na sidröe ureung Nan geuh @klen.civil
Aneuk muda meutuwah tapi jomblo meunan
Misée tan timöh rupa geuh tampan
Teungoh kasmaran jeulamée geu cicil

Kiban cara ta seureuta konteh?

Neu pèh tém bak kolom komentar saja
Tuléh panton bebaih sesuai tema
8 baréh minimal 16 baréh bék leubéh kata
Meutunang lanjöt Neu jaga hayeu irama

Geutanyöe Aceh sukée kôn saboh
Ladom ék Honda na nyang ék panther
Pèh tém beu tèuga tapi bék haba soh
Meuseunda boléh, bék sagai baper

IMG_20200303_170429~2.jpg
kupi sikhan ka lheuh löen seudia, nak mangat ta meuseunda tröeh malam jula

Kiban cara Neu peuteuntée ureung juara?

Na 3 cara ta mita juara, mandum ureung seureuta suwah bekerja sama.

  1. Neu engkol komentar yang paléng Neu suka, satu sahaja.
  2. Löen engkol lée Uloen komentar gata
  3. Panton nyang lagak asoe sesuai irama

Peu hadiah keu ureung cok juara?

Kategorihadiah
Panton terbaik2 SBD
Tunang terbaik1 SBD
Panton favorit4 Steem
Ureung Seureuta0.1 SBD
Tunang terbanyak4 Steem
Hadiah Hiboran1 Steem

Pajan?

Jinou aju ta buka (16-05-2021) sampoe 'an uröe Hameh (20-05-2021)

Panton Bebaih Kiban Meukeusud?

Jeut panton nasihat, panton asmara, haba peuingat, tapi hanjeut plagiarism haroih dari karangan sendiri. Jeut cok dari hadihmaja, tapi ya kôn kopi pastè lah.
Niét tanyöe adalah menjaga budaya dan adat dalam berbahsa Aceh, sira ta meusenda ta meuruno bersama.

OKMK, miseu na pertanyaan, tanyoung aju. Meunyo han, pèh tém saja🙌

2zbs8km08v.gif

piyasan nyou disponsori oleh @irawandedy (calon abang ipar @klen.civil sebanyak 10 Steem, hadiah laen atra drou teuh😂 miseu na nyang keumeung sumbang hadiah, edisi berikutnya mantông✌️


IMG_20210516_102509.jpg
nyou percakapan ttg jeulamée dalam bentuk SBD 😂get that na teuh🤦🏽‍♀️

Wassalamu 👋

This is a comment contest in Bahasa Aceh only, we're competing on creating panton (a form of traditional poetry) with specific theme. The theme this time is to encourage or give an advise and guidance for a man who is still single and looking for a girl to be married with. This is a trial contest, we will reform and change the form of the contest based on community members' demand and suggestion.

Suwah tawôuk ureung nyou @muzack1, @cekmadpost, @tucsond, @isnorman, @munaa, @fooart, @green07, @rayfa, @saifuddin73, @albertjester, @zainalbakri, @pieasant, @mahathir2508, @bukhairidin, @robee

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Assalamu’alaikum keu po piyasan
Lheuh nyan dum rakan pih na @klen.civil
Meah dile phon bak handai tolan
Peh tem lon tuan mungken na bakhil

Bungong meu ulah jino goh luroh
Mantong meukeumat bak cabeung kaye
Haba peuneugah keu @klen.civil lon peutroh
Nyoe soai judo bek male-male

Bungong meu ulah teuglong bak sago
Nyan keu piyasan putroe diraja
Hana peu gundah dak mantong jomblo
Lon tuan keudroe tom chit meurasa

Bungong meu ulah awai phon ta bee
Suwah wate phon ta tabu baja
Menyoe masalah hansep jelame
Peugah bak kawom ta mita cara

·

90 koma 7 beuh 😅

Assalamualaiköm hai teungku ampon,
Wareh ngèn kaöm bandum syedara.
Saleum meuturi nakeuh dari lön,
Awai mula phön pantön lon rika.

Meugah di Sabang na bungông lawang,
Dilee saboh jan yöh wateé jaya.
Pantôn kali nyöe na keuh lon karang,
Keu gata intan yang dara-dara.

Meugah di Aceh Seulawah manyang,
Meugah di geumpang tambang meuh pih na.
Wahe adöe lôn nyang that lôn sayang,
Narit lôn peutrang keugata dumna.

Seudéh lôn kalón si bungông keumang.
Bak tangke leukang kumbang jak doda.
Umu mantèng manyak gata dek sayang,
Ka layeé badan agam jak cuca.

Beuna ta ingat keu nasib badan,
Gata hai sayang yöh mantèng muda.
Röh manteng dara ramé söe sayang,
Òh watee leukang söe keuneuk bela.

Poma di gampông dileé geupeusan,
Bék lalöe sayang ngèn piasan donya.
Geuyue tuntut ileumeé beukai ta riwang,
teuma laen piasan òh tröh u Banda.

Laen ta pubuet gata disinan,
Lalè ngèn cut bang di Kutaraja.
Gata diba-ba sampöe jula malam,
deungèn alasan "adek yang lôn cinta"

Ayah digampông tueng upah di blang,
Demi keu sidara sayang nyang kuliah di Banda.
Dum reuöh-reuah raseuki geupawang,
Ngat gata sayang jeut ta sikula.

Beuna ta ingat hai bungông lawang,
Gaseh ngèn sayang ayah ngén poma.
Dari gata manyak geutimang-timang,
Uröe ngèn malam gata geujaga.

Doa geupanjat uroe ngèn malam,
Keudéh bak Tuhan Allah Ta'ala.
Beujrôh gata neuk sabe geupeusan,
Beutajaga sayang yöh gohlôm mala.

Kasep keuh òh nöe sya'e lon karang,
Laen pertemuan tanyöe meurika.
Beu panyang umu geubri le Tuhan,
Laen kesempatan ta samböng teuma.

Saleum lôn keu rakan-rakan steemian.

@mahathir2508

·
·

Panton neucanek indah tan lawan
Keu bungong keumang si ayeum mata
Gohlom sempurna harom bungong nyan
Kabeh dum lanang dipeutoe Sigra

Mala nyak bungong buet babang tamvan
Di om-om seunang pih lupah gura
Asai deuh teuka bodi meutanggam
Laju geulinggang teuset aneuk mata

Hahaha 😁😁

·
·

Lôn wöe u gampông laén that macam,
Ulôn kalòn piasan bak jalan raya.
Aneuk miét manyak ditöh ièk goh timang
Ka ditupeu raba-raba timphan dilikot honda.

Daleh dipoma hana geularang,
Aleh peu macam di ureung tuha.
Geukontrol kureung bak pendidikan,
Aleh syit sigam geupakoe hana.

Meunan syit nyang inông pih saban macam.
Poma han geutham di aneuk dara.
Bah sigé-gé dijak ngen abang tamvan,
Meunan pikiran òh uröe raya.

·

Nyoe releoh tem cut kak @cicisaja ka leupah pehtem 16 bareh

·
·

Beurutoh tem2 kali nyöe 🤣 16 boh bareh golom ta bri saleum kapayah ta sadaqallah kanda @heriadi

·
·
·

Hahaha bereh

Saleum loen peutroeh keu rakan bandum
Keu yang ka useung seureuta pemula
nyoe loen baroe troeh dari gampoeng mideun
aleeh e'k meuteumeung keu loen juara 😞

Ta ikoet konteh dalam group peh teem
Payah ta meuruneng beu geubi nomor sa
Nyoe phoen loen tes bek that neu geureuhem
Keu maen-maen bak rumoeh cut kak @cicisaja

Meunyoe na salah nibak lon tuleh
Peumeu'ah wareh, loen manteng pemula
Bak loen meu pantoen roeh meusipak gateeh
Kadang salah bareh bak meu atoe kata

😞

·

89 siteungoh ponten 😅

·
·

Tamah bacut teuk wahe e cut bang,
Tanggong that hai rakan 90 angka.
Pakèn kureung sineuk ponten neulayang,
Dilôn peunasaran teukhem lôn baca 🤣🤣

·
·

1 teuk ho bg @klen.civil 😁😁

·

Buleun puasa troih Sigôe lam sithon
Geu töp meriah bak uröe raya
Kru seumangat ka Neu tuléh panton
Adak pih baroe saleum pembuka

Awai di Puntèuet na ren meugeuntôn
Bak Geulitan Apui arah meutuka
Neu pikée lanjotan asôe lam pantön
Nak puléh kasmaran jéh aneuk muda

·
·

Malam ka jula ji teuka ujeun
sijuek lam tuleung ngoen limboet hana
Uloen neuk coba haba loen jangeun
pantoen peutumeun lon lanjut sigra

Haba loen rawi kata loen seusoen
Beujeut keu pantoen ubat peunawa
Pesan kak cici haba geu lamboeng
Nak puleh racoen di kaula muda

Seulawah agam manyang meuceuhu
Teuka geulanteu lam ujeun raya
Tanyoe yang muda beudeh beu laju
Mita manyam u jeulamee taba

Bek sampe di cok eungkoet bak panggang
Babah teuh reuhang meunyeusai teuma
Hana peu arti dum kata sayang
Tanyoe di tinggai ka gob po jeumpa

·
·

Waalaikumsalam saleum lon jaweub,
Ban jaga teungeut steemit lon buka.
bak lôn kalón-kalón wallet ka padup,
Röh meuseucroll u miyub postingan kak @cicisaja

Iseng-iseng tantangan lon cuba jaweub,
Sidéh dimiyub panton kaleuh ulôn ba.
Adak pih hanjeut pantôn lôn cakup,
Lôn karang bacut keu aneuk dara.

Adak pih kadang teungeh hana mood,
Panton yang lon peujeut-peujeut neu ci cuba baca.
Beujeut keu pesan keu adek yang manteng cut-cut.
Bek salah peubuet òh rayèk teuma.

Assalamu'alaikum rakan Steemian
Saleum sapaan lon bri keu gata
Lon canek haba keu perkenalan
Neuhoi lon tuan si Bob sahaja

@misterreza yang jeut akun nan
Teupakek sajan jameun keurija
Yoh saboh masa lam pengajaran
Pokok bahasan Inggreh bahasa

Jinoe kateupiyoh nibak krija nyan
Murid les katan tinggai sa dua
Seujak korona jadi jualan
Abeh zoom-zooman belajar siswa

Ilon tan galak ngajar muden nyan
Le that han saban ngon tatap muka
Kadang jeut kacho kareuna jaringan
Rasi bacut tan begini cara

Kakeuh lon kacieh lapak lon tuan
Jadi Steemian Cuba berkarya
Sehari-hari jak mita bahan
Peugot postingan olah pue yang na

Gamba teupeuduek dalam tulisan
Abeh teukuran potensi yang na
Meulimeuh cara ngat gron postingan
Bek sampoe jeut lan luat tabaca

Tapi kalinyoe le pembaharuan
Komunitas pilihan leupah rame ka
Tinggai tamita yang pah keu rakan
Yang sesuaian ngon minat berkarya

Dalam @steemsea tuleh diary
Kegiatan sehari-hari jadi topiknya
Lain halnya dalam @motivasistory
Tulisan disini classy semua

Minat cok foto post bak @photography
Nyanyi dan nari di @danceandmusic saja
Minat ulas koin Jak bak @cryptoacademy
Gabong @ksi yang legend nama

Yang paleng gron komunitas terkini
Gabong disini @pehtem bersama
Aceh bahasa bisa lestari
Melalui platform ini turning point-nya

Bahasa Aceh dewasa ini
Sudah tergradasi penggunaannya
Desa ngon kuta kasaban dali
Bahasa interaksi berganti rupa

Kalau begini terus terusan
Na can meutimphan budaya kita
Tugas kita semua wahai Aceh Steemian
Melestarikan bahasa dan budaya bansa

Sekian dulu @pehtem untuk konteh ini
Jumpa keulai dilain haba
Saleum utama keu admin konteh ini
Yang ulon turi dengan nama @cicisaja

Seubagoe awak surak beliau mumpuni
Pue lom Tengku Qadhi @isnorman nama
Lon tawouk Rakan mangat lom rasi
@fooart Fuady syeh yang mulia

Kakak @paskadom ikutan mari
@gabrielmiswar Edi ayo ramaikan bursa
@bookrak Reza Mustafa juga yumari
@santolix akhi pun ikut saja

Nyoe lon peuakhe @pehtem malam ini
Bek sampoe keki kak @cicisaja
Ka lon meurabok di konteh ini
Semoga tamah seksi komunitas kita😁

·

90 hana koma ponten 😅

·
·

90 titek beurati...🙏🙏🙏😁😁😁😁

·

Nyan kak bob @misterreza pah bereh bak geumeurika😂😂 payah musom u yub meja sang lon tuan hahaha

·
·

Jangan sembunyi sudah kuturi...hihi!

·
·
·

Nyoe suah ta preh kanda @paskadom ngen Syeikh @fooart nyang ahli bagian meurika hikayat hehehe

·
·
·
·

Peu neujak peh tem poh-poh 3 malam
E.. hai kakcici intan abeh gob jaga
Teungöh ta meulumpoe rap troh lam awan
Neutem pakat prang neupeudeng dawa

@misterreza dengon @paskadom
Bek maen rhom-rhom jak seubot nama
Hek kutuleh steemit hana soe tugom
Itume kom postingan dumna

Manyang pucok U, tincu meusapat
Sabe siat-at kujak pareksa
Watee kungieng awak vote brat meu karat
Paleng teuga that 0,03 kabeh teunaga

Kak @cicisaja nyoe ken lon peutupat
Meu'ah lon that-that nyoe malam pih ka jula
Meubek na teupeh pemain steemit timu ngon barat
Sayang long that-that awak mita beulanja

Diboh harapan beuleun nyoe meukawen
Ngen dara canden yang that jisuka
Dimaen steemit hp-hp han meutume len
Nyan sidum yaken bak di usaha

Peuget postingan hom inan asai ka item
Tutulesan bak pat laen ditipek saja
Di edit bacut bek meuhi ata awak laen
Alheuh nyan na di CC rata anggota

Ilee ie paseung lam umpung krungkong
Di beudoh undong lam neuheun tuha
Yang le SBD bacut saran long
Jok keu awak soh krong meu sineuk dua

Pajan syit lom syedara ta tulong
Peu lom saboh kawom ta meukira-kira
Neungieng laju akun-akun yang layak dukong
Kira-kira rab abeh thon hana sapeu na

🙏🙏🙏

·
·
·
·
·

Nyan ban le katrok syeh @fooart neulangkah,
Laju le bagah gaki lôn gisa.
Han ta tujeut tunang panton that parah,
Lam teungeut bagah sya'e jeut geu rika.

Meunan geu mention langsöng geuh leumah,
Kanda @misterreza meutuah suah neubaca.
Neurequest pantôn bunoe neupeugah,
Nyopat kadeuh gah bang fuadi nama.

Dilon han meuphôm peu keuneuk balah,
Seubab nyang geupeugah nyan bandum nyata.
Seubab bak Steemit lôn baro lom leumah,
Akhe dua ribee lapan blah awai lôn bungka.

·
·
·
·
·

Wahee Fuadi syech hikayat
Memang teupat that bak culok haba
Babah fuady tajam leupah that
Hana basa isyarat bak kritik penguasa

Penguasa steemit power raya that
Sige di-power up meujuta-juta
'Oh wate di-vote tanyo meujungkat
Reudok ngon kilat hana le ta rasa

Adak pih meunan wahe e @fooart
Lakee beureukat bak @misterreza
Karena belio jeuet geu bi syafa'at
Hana brat-brat na keuh sineuk dua

sambong, adinda!

·
·
·
·

Benar....😁😁😁

·

Nyoe kabrat ju geu pehtem le @misterreza , juet keu 4 boh konteh

·
·

😁😁😁😁😁 bak lon Peh Peh kaciep tem tem sang...😊😊😊

·
·
·

😀😀😀😀😀

Hahahahahah,,

·

Pakôn neukhém awai that... Neu tiek ju saboh Panton

·
·

Hana kutupu tik nyo,karena baro leuh lon pajoh bu,,😀😀🤣🤣🤣

Bereh cut kak,😁😁😁

·

Peu bereih bereih...tiek ju panton sikhan

·
·

Hahaah..pah ta tik payah plung.. Panton ta peuget.. Keu puisi watee jeut.. Kureung that bagian nyan.. Cma siat teuk ta coba.. 😁😁😁

·
·
·

HaN sAket miseu ta Coba... Pikée dilée, mantong na 4 uröe teuk

·
·
·
·

😁 payah meureunoe bak cut kak dilee😁

Hahaha, mubut cut kak.

🤣🤣🤣🤣🤣🤣

·

Tugaih gata enteuk, engkol komentar atawa panton nyang hayeu 👌

·
·

Get cut kak

🤣🤣🤣🤣🤣

·
·
·

Duèk beu paih, bék rhèot bak neukhém keulayi ✌️

Nyoe yang that lôn preh2 kak @cicisaja wkwkw

·

Pèhtèm teruuss... Loen awak peukhém

Huhuhuhu... aku datang....

·

Afeeeedd🤗🤗🤗 apa kabar toke sepatu @afeed? Bisnis kolang kaling Sudah tutup kah?

·
·

Aku tetap setia dengan sendal jepit tapi jualan sepatu kak hahahahah
Uploading image #1...

·
·
·

Yang penting dumpat cok laba🤣

·
·
·
·

🤣🤣🤣🤣🤣🤣

Jadeeh neu ilanya si klen. Hahaha...

Tapi goet cit, bah sadar diri bacut.. 😂

·

Panée na ta ilanya 😁 nyou bagian dari ikhtiar dan do'a🤣🤣

IMG_20210302_121809_931.jpg(sambungan di bawah👇)

Manok Siam boh jih Australi
Susu sapi from Hollanda
Keju Perancis teumon Ruti
Bu briyani from India

Adee Kak Nah dari Meureudu
Bukrak lawok u dari Gandapura
Kalau adek sedang rindu
Pajan na waktu saban ta seuba

😋😋😋

Bereh Cutkak @cicisaja neumulai laju, ngat ta sambong atawa tabalah intreuk, pokok jih Pehtem beumeubura.

·

Tanyou awak pancing2 tunang🤣 ta preih peu na nyang teujeut buka panton dilée

Ho neuh Teungku Qadhi malikul pèhtèm @isnorman... Neu tunang siat...beureutuussss... 🙌 Angkat tangan anak muda!!

·

Na lon Cutkak @cicisaja long nikmati saja ilee siat tem yang ka dipeh le rakan-rakan.

·
·

Löen preih singoih, nak mangat löen tunang Chit 😂 na info penting galom löen buka. Ini sinyal bahaya bagi dek klen, saweub Jai jomblo di steemit rupajih

Nyan cut kak lon luar biasa geupegoet acara, lon sport that piasan lagenyoe rupa. Tp masalah jih lon han jeut meupanton. Lon baca2 karya peserta laen mantong ile.

·

Bantu vote bak panton yg droun galak mantông😁 bék mandum

KUPI PEHTEM

Krue seumangat hai cut kak @cicisaja...
Baroe long neu tawok
uroe nyoe baro troh long teuka.

Hajat meu jak komen bak komentar cut kak,
Alhamdulillah nyoe ka teulaksana.

Cut kak peumulia kamoe jamei dengan kupi yang ka meu sahaja,
Long meusedia teumon kupi rujak malam lage hawa ma sidara.

IMG20210517193124.jpg

Hajat teuka beumeunang tunang SBD, karena long tuan asoe baluem golom na.

Sigolom panyang long carita,
Saleum uroe raya keu mandum rakan groep peh teem.

Tem ka tamulai tapeh
Tanda cang panah sigeura tamula
Kupi na bak cut po @cicisaja
Rujak hawa ma sidara ka long sedia

By @bukhairidin

Version 1


Version 2

Steem sea gapunya banyak sosmed yang bisa tarok link, cuma dua aja, steemit sama discord. Kalau sekiranya nyemak yaa ta hapus ajuu

·

Cukup 2 aja kalo gitu😂 jgn rame kali. Aku geli ada fotonya, kek kompanye caleg aja🤦🏽‍♀️tapi version 2 okey bingits

·
·

Okaay, gpp lah pake foto kan buat member2 itu nanti

·
·
·

Sssiiippp👍👌

Bereh-bereh panton nyoe, lagee aneuk dara ban abeh manoe, wangie meunan, haha

·

Tunang ju saboh...