KONTES MEUPANTOEN DALAM BAHASA ACEH #15 | Pengumuman Kontes 14

2년 전

cover.jpg

Syarat dan Ketentuan Kontes PANTOEN edisi 15

  • Resteem post nyo (tujuan jih untuk promosi kontes nyo ke mandum rakan - rakan steemit)
  • Peugot saboh panton dalam bahasa aceh beuna kata - kata "LAILATUL QADAR" lam panton nyan (paleng kureng saboh bait).
  • Pantoen yang kaleuh neupegot ne post bak komentar post nyo.
  • Pantoen harus karya dro dan hanjet jiplak bak buku atau internet (belum pernah dipublikasi)
  • Pantoen hana payah panyang yang penteng bermakna
  • Wate jih 3 uro mulai postingan nyo kamo terbitkan.

Hadiah

  • 3 boh panton terpilih akan merempok hadiah dari kamo.
  • Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)

Sponsor





3 PANTOEN TERPILIH BAK KONTES KE-14




Seulamat kepada @munawircekwin, @zsteem dan @steem83 . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Mandum Panton karya rakan - rakan jeut ne akses melalui : http://www.pantonaceh.com

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Panton Aceh

Assamualaikom Warahmatullah
Saleum sipatah sambot syedara
Sambot saleum lon rakan meutuwah
Haba lon peugah tanda mulia

Nyoepat ulon ba bada pisang klat
Teuntang hikayat Lailatul Qada
Neu beudoh laju jinoe beu leugat
Sambot hikayat keu tanda mata

Beuleun ramadhan hayeu hana ban
Beuluen ampunan segala dosa
Beu ta tem pubeut amalan keubaikan
Bak buet nyang larang bek ta keurija

Di Aceh rayeuk na kudee sibreh
Gampong Cureh di Bireun teuma
Uroe puasa malam taraweh
Bek gadoeh peh eh ibadat hana

Na saboeh malam nibak beuluen nyan
Lailatur Qadar geu bri nama
Nibak malam nyan hayeu hana ban
Malam amponan seugala dosa

Di santri dayah di pakek cadar
Tutop ngen badan sampe u muka
Musoe nyan rumpoek Laitul Qadar
Meu untong badan jioeh bak bala

Aneuk leuk kutrue di cong bak rambot
Aneuk got - got di sama - sama
Meu mada oeh noe Laitul Qadar lon sumbot
Uroe rab supoet di tamoeng asa.

Sigli 20 Mei 2018
9TEHMkUC.gif

Malam Lailatulqadar

Aneuk mit ubeut phon geu peu tah teh
Mangat jeut saheh langkah beu teuga
Deungon Bismillah ruah lon careh
Baca beubereh buhu yang lon ba

Lailatulqadar malam yang leubeh
Malam geupreh-preh wahe syedara
Siribee malam beda teuku syeh
Cukop that leubeh malam mulia

Aneuk jok sirup jampu meulisan
Peuget makanan buka puasa
Buhu lon ganto jinoe hai rakan
Uram mate an ujong matee a

Lailatulqadar malam yang rahman
Leubeh get bandengan siribee beda
Malam Allah bree tanyoe ampunan
So manteng rakan yg tem taqwa

Hana geukalon kaya ngon tampan
Ampunan Tuhan dak gasin papa
Malam yang leubeh beuleun ramadhan
Geu peutren Alquran malam mulia

Mandum makhluk nibak malam nyan
Sujud keu Tuhan Allah taala
Bak kayee sujud peuneujeut Tuhan
Lam hadist rakan meunan calitra

Beureukat rizki seulamat iman
Meunyoe malam nyan pujoe rabbana
Punoh ngon rahmat deungon ampunan
Keumandum insan yg tem meudoa

Semoga tanyoe beusampo rakan
Rahmat malamnyan geutanyoe rasa
Taat ibadah taseumah Tuhan
Seubab malam nyan Allah rahsia

Dalam sibuleun beuleun Ramadhan
Tapeugleh badan tapeugleh dosa
Semoga tanyoe roh dalam golongan
Seulamat iman akhirat donya

Etno keuh panton susom karangan
Jeut keupedoman geutanyoe dumna
Walau si kata geuyu sampaikan
But keubajikan meuteumeng fahla

Ahadipj, 22 Mei 2018

Alhamdulillah ta ucap beusare
Seunang that hate ramadhan kateuka
Ta lake bak allah beutroh meusampe
Niet dalam hate lam buleun mulia
Pubut ibadah taubat keutuhan
Ateuh kesalahan yang ka meukeurija
Karna buleunnyo fadhilah hanaban
Rahmat baktuhan geupeuampon dosa
Leubeh nibaknyan lambuleun ramadhan
Na saboh malam yang hana bandeng sa
Lailatul Qadar malamnyan geupeunan
Bahagia that insan yang meutume rasa
So yang ibadah nibak malamnyan
Balasan baktuhan meulipat ganda
Malam leubeh get dari seribu bulan
Dalam alquran meunan kheun rabbana
Malam Lailatul Qadar bak siploh yang akhe
Bak malam yang ganje kheun sebagian ulama
Nasyit yang peugah malam duaploh lhe
Nasyit yang peuteunte malam duaploh sa
Meunye rayek niet harapan lam hate
Lailatul Qadarnyan beumeuteumeung rasa
Pubut ibadah tip malam bekpre pre
Pasti meuteunte sebagian roh lam masa
Oh no sagai dari lontuan
Pat na salah meuah meupinta
Menyena salah dari haba lontuan
Peubeutoi hairakan bekjet keupeukara.
Trimoeng geunaseh.

Bulun Ramadhan geukheun le Nabi, Bulun ummati lam hadis Kana,

Nyan dum mulia jeut ummat Nabi,
Fadhilah neubi le po Rabbana,

Innaa anzalNaa firman ilahi,
Lailatul qadri sinan tabaca,

Didalam qur an Allah peumeuri
Fadhilah tinggi ummat mulia

Roeh taibadah bak malam qadri
Seuribe syahri leubeh Lom fhahla,

Meunan tameufhom Kalam ilahi,
Firman yang suci Ken rekayasa

Jak taibadah bek dok ngen TV,
Jak tak meungaji tarayeh fahla,

Lailatul qadri Allah neujanji,
Bak malam suci sinan diteuka

Bek gadoh lalo bak Keude kupi,,
Kalon boh giri ata Korea,,

Jak Jino laju wudhu' peusuci
Nak tameungaji tadarrus sigra,,

ngen izin Allah tanyo pih neubi,,
Lailatulqadri hana bandeng saa,,

Ulon peuingat sira lon rawi,,
Keu ummat Nabi yang that mulia,,

Meumada oh no peugah bak akhy,,
Ulon akhiri saleum sejahtera,,

Salam alaikom saleum ulon bri,,
Saleum meuturi dengan sogata,,

Nibak uro nyo Haba lon rawi,,
Keu Ummat Nabi bulun mulia,,

Nyoe keuh Ramadhan bulun ummati,,
Haba dinabi Rasul Mustafa,,

Tajak ubanda Taek simpati,,
Tajak uu idi Taek mandala,,

Lailatul Qadar Allah pih neubri,,
lam bulun suci malam diteuka,,

Siribe bulun meukali baki,,
Fahla Allah bri keu manusia,,

Dum malaikat geutron uu bumi,,
Perintah Rabbi Rahmad geujak ba,,

Lailatul Qadar malam yang ganje,,
Siploh yang akhe rawi ulama,,

Bek that meulalo bak steemit sabe,,
Fahla dum reule that sia-sia,,

Buken lon hina buken lon caci,,
Peuingat akhy yang muda- muda,,

lewat Panton Nyoe karya sendiri,,
Sira jep kupi buka puasa,,

Mumada oh no yang ulon rawi,,
Saleum ulon bri peunutop Haba,,

Lailatul Qadar, wate yang paleng jroh lam seuribe thon

Tiep rata sagoe tanging aneuk muda
Tiep rata jambo i puta batee
Wate taraweh pih jadeh meen dota
Lage donya nyoe sang hana akhe
.
Bulen Puasa ka tanyoe teuka
Bulen mulia ke peubut amai
Bek le lale hai aneuk muda
Kajet jak u meunasah ngon gari
.
Na saboh malam wate bulen Ramadhan
Malam yang paleng jroh ke ta puebut amai
Nyan keuh malam Lailatul Qadar hai rakan
Malam yang paleng jroh daripada seuribe malam
.
Bek le lale hai rakan-rakan
Hana hase gadoh neu wet-wet
Kajeut ne langkah u meunasah di sinan
Tacok Qur-an dan ta peukhatam
.
Donya nyoe hana trep le hai aduen
Lam lumpo pih jadeh geucok le Tuhan
Dosa sep le ka yang ta lakukan
Mari ta tobat hai rakan-rakan
Nyan keuh et nan pantoen loen tuan,
insyallah loen ikot loem pantoen yang di keu entreuk.

Saleum dari Lhokseumawe, @mirfaner

MALAM LAILATUL QADAR

Allahu Allah Allahurabbi keu ulon
neubri beu ampon dosa ampon
dosa lon baten ngon lahe lagee
kameu teumee " lailatul qadar "

Siploh yang awai meu bek ta eh le
siploh yang akhe tanyoe meu jaga
dalam sejarah nabi. neupeugah
bak malam siplah na "laitul qadar"

Teuma yang laen lom sareh di gop
nyan geu preh malam dua ploh sa
teuma yang ladom ureung yang
leubeh hana geuweh-weh

dalam musalla seubab di gopnyan
ureung teuleubeh ka geutupat preh
Nyan malam "lailatul qadar" gop
nyan meujaga bak malam ganje

Kasabe-sabe dalam musalla hana
geupike awai ngen akhe yang sabe
dalam usaha menyo neu idin ka
Oleh rabbi tentee sang geubri

Pahla meuganda geugopnyan geubri
"lailatul qadar" meu sit han meuri
hana tatukri lee tanyou hamba sebab
geu tanyouureung tan suci mungken

Han geubri secara nyata "lailatul qadar"
na keu ureung leubeh ureunng yang
saheh meusee aulia, sebab digopnyan
Ureung ka saheh akhirat donya.

Salamalaikom saleum ulon peuphon Keu wareh lon yang na lam media Keulangkah awai jaro siploh uleun beut Untuk lon peuphon mula cerita

Beleun puasa sigoe lam si thoen
Jak tameuroen roen mita pahala
Bek gadoeh aplod gamba meu ijakroeng
Meunyoe langsong neulangkah hana

Bek gadoeh duek poh cakra bak warong
Meunyoe malam phoen taraweh hana
Neujak hai rakan u meulasah langsong
Kupiah neu seu on neu doeng bak saf sa

Buleun ramadhan rahmat neu petroen
Keu mandum kawoem inong ngon agam
Beu tatem pubut lage geu suroeh
Pahala pih troeh han sia-sia

Oh lheuh taraweh tadarus ta sambong
Alfatihah surat phon hinan tamula
Tabaca beugot tajwid tapeuroh
Kheun beu meu aloen-aloen irama arab taba

Tapubut ibadah beu meu sambong-sambong
Dari malam phoen hingga akhe puasa
Bek tajak malam sa lheuh nyan bak tujoh
Bek tapeuputoh taraweh tajak

Akhe cerita bacut teuk lon sambong
Keu mandum wareh loen ngoen @sogata
Tameulake doa bak poe teuh rabbon
Beu tatume coem LAILATUL QADAR

Hanya sekian Wassalamualaikom
Rayeuk that harapan loen beu juet keusyedara

By @amrizal.amd

LAILATUL QADAR

Neu hias kitab dengan Al-qur'an
Kalam di tuhan yang that mulia
Neuhias Qur'an dengan Bismillah
Meunan neupeugah oleh saidina

Neu hias malam lailatul qadar
Nibak malam nyan meuribe fahla
Soe yang tem pubut yang kebaikan
Ampunan tuhan neubrie keu hamba

Dum malaikat nibak malam nyan
Perintah tuhan yu troen u bunoe
Neu yu jak kalon hamba di tuhan
Toeh keuh gerangan yang mita fahla

Si beurangkasoe hamba di tuhan
Ji beut Al-qur'an atau meudoa
Atau buet laen yang kebaikan
Nyan keuh ureung nyan asoe syiruga

Dumna lat batat dan kayee batee
Sampe bak kaye nibak malam nyan
Mandum tafakkur dan ji meu dikee
Lakee bak rabbi dum keampunan

Na saboh watee yang mustajabah
Nabi neupeugah soe yang meulake
Cit neu teurimong oleh potallah
Yoeh nyan ijabah dum doa hamba

Meunuroet ta eu dalam riwayat
Lee that pendapat dan dali-dali
Lailatul qadar hana ta tupat
Tapi yang kuat siploeh yang akhe

Oleh sebabnyan wahee ee rakan
Buleun ramadhan nyoe katroek teuka
Beuna ibadat lam tiep tiep malam
Lailatul qadar ta tujan hana.

Nisam antara, 19 Mei 2018

Tok tok beurago di Ateuh jingki,,
Buroeng merpati dicong bak Bangka

Loen mula saleum keu akhy ukhty..
Loen Neuk mulai Panton mulia..

Limong boh ayat Yang jeut keudali..
Firman ilahi uloen punyata..

Lailatul qadar wahe ee akhy..
Siribe syahri leubeh Lom fhahla..

Nibak malam nyan Allah neujanji..
Malaikat suci utoh Rabbana..

geujak me rahmad keudum insani..
Dum ummat nabi Rasul Mustafa..

Meunan tersebut Kalam ilahi..
Lam kitab suci hana lee dawa..

Tajak lhoknibong bloe pisang sale..
Singgah di sare tapee pih kanaa..

Lailatul qadar malam dua lhe..
Haba di Gure Teungku syeikhuna..

Saboh riwayat malam yang ganjee..
Siploh yang akhe qadar diteuka..

Wahe Ado loen Han peu tapike..
Lailatul qadar sabee malam puasa..

Loen karang Pantoen deungen jroh hate..
Ken harap SBD nibak SOGATA..

Loen harap fhahla nibak ilahii..
Bak bulun suci Ramadhan nama..

Meumada oeh noe bak Loen ee akhy..
Saleum meuturi lewat udara..

Pat na yang silap bek pih neu caci..
Maklum ee Aby ileume hana..

Lailatur qadar

Saleum Geunaseh yang uloen joek keu rakan
Rasa kaseh sayang bak lon mantong na
Hanjeut uloen peuteuwoe saboh teuk seulaweut
Beuserta saleum keu Junjungan alam

Nabi Allah Hana neuteupeu nibak saboh malam
Rahasia Kalam pertanda na
Cuma tanda yang kaleuh geutentukan
Malam Lailatul Qadar geukheun nama

Hana tateujan nibak beuleun nyan
Yang kaleuh geupastikan nibak malam ganje
Bek tuwo geutanyoe sebagoe hamba
Tameudoa beu ampon dosa

Dalam sithon sigo puasa sibeuleun
Pangakai keurajeun geutanyoe hamba
Jak sigrak bek nale laloe le
Pertanda putoe droe dengan Allah SWT

Bah lon peutrang keu mandum kaom
Dalam Al Qur'an Allah kaleuh neujanjikan
Nibak malam nyan hareum apui nuraka
Nyan keuh nan malam Lailatul Qadar.

Cuma oh noe yang lon sampaikan
Keurakan Rakan mandum di media
Bek tuwoe neu ingat nibak malam nyan
Mudah-mudahan geutanyoe beuroh dalam syurga.

  ·  2년 전

LAILATUL QADAR

Alhamdulillah lon pujoe tuhan yang
yang peujeut alam langet ngen donya
meukru seumangat hai rakan badan
" Lailatu qadar nyoe karap teuka

Meunurut haba dalam sejarah kalheuh
geupeugah oleh ulama malam yang
ganje dalam ramadhan nyan keuh ma-
lam nyan "lailatul qadar" teuka

Sibeurangkasoe hamba potallah lakee
bubagah bak po yang esa beumurumpek
Ngen "lailatul qadar" sejahtra badan
jioh bak bala

Meusoe yang rumpek "lailatul qadar"
meu untung badan selamat bak bala
'ohnoe mumada bak ulon tuan haba
lon karang kon lonjak sikula

Lon lakee meu'ah bak rakan badan
peumeu'ah toelan dosa di hamba
bak ulon tuan hana meudaleh yang
beuceh bacut sbd.

Panton Aceh

Assamualikum warrahmatullah
Jaroe dua blah ateu jeumala
Lon peu ek saleum keu madum taulan
Jinoe lon karang haba ta rika

Keu malam Laitaul Qadar bacut lon peugah
Malam nyan hebat beuluen puasa
Nibak malam nyan hayeu sileumpah
Laju leu bagah amalan ta peu na

Aneuk lhuek kutrue ateuh bak lawah
Di aneuk tiwah di sama - sama
Meumada oeh noe haba lon peugah
Nye na salah peu meuah teuma

Siploh yang akhe buleun ramazhan
Na keuh si malam malam mulia
Malam yang ganje Lailatul Qadar
Nibak malam nyan mustajab doa

Miseu merumpok Lailatul Qadar
Rayek ampuna ke sidro hamba
Kaye di sujud di pujo Tuhan
Tanda malam cukop mulia

Alam pih lepie tenang dan tentram
Hana gangguan mesineuk bala
Meunan geu syareh didalam kitab
Meunan pendapat para ulama

meuturi phon

Salam alaikom keu bandum rakan,
bukoen lon tuwoe keu mandum rakan
meuturi phon-phon nibak ramadhan
beumerepek tabuka bersama
meuligoe resto meusapat sinan
di kota juang bireuen nan kota

meu soe yang samboet buleun Ramadhan ngoen hate seunang meusuka ria.

Allah Neupeugah dalam Al'quran
hareum ureung nyan tamoeng Nuraka
lebeh-lebeh merempek malam yang seb mulia LAILATUL QADAR nan nya.

manteng yang merepek rahmat malam lailatul qadar geupeugleh dausa di dalam badanfahla bak Tuhan meu lipat gandauroe ngoen malam Allah peu amanseulamat iman watee ta bungka

lon lakee meuah bak mandum taulan
dum keusilapan bak tutoe kata
saleum syedara seusama islam.

(follow @yama1)

Terimong geunaseh ateuh akhy so gata atas vote dro neuh, meski kamo kali nyo golom na juara 😉😉