Durga Puja in my city

4개월 전

Bhai log aap sabhi ko durga puja ki dher saari badhaaiya. Mere shahar ranchi me durga puja ke liye bahut jagah pandar laga hua hai. Lekin ek pandal hai jiss ki iss baar sab jagah tareef ho rahi hai aur ranchi ke sabhi log yaha ghumne ke liye aa rahe hai. Ye pandal ranchi ke upper bazar me bana hua hai. Bahut hi achhi se sajawat ki hai aur logo ko kaafi akarshit lag rahi hai sab ko kaafi pasand aa rahi hai. 

Mujhe bhi ye pandal bahut pasand aaya aur raat me jyada maja aata hai dekhne me. Din me bhi gaya hoon lekin din me na to achhi photo aa rahi thi aur na hi utna khubsurat lag raha tha dekhne me. Din me utna kahas nahi lag raha tha lekin raat me itna achha laga hai ki main aap ko kya batau aap khud hi tasveero me dekh sakte ho. 

Kayi saare photo hai aur bhi liye they lekin sala ek ek kar ke upload hota hai isliye karne ka dil na karta ek hi baar me sab upload ho jaata to main karta lekin ek ek kar ke kon karta rahe yaar bada bekaar lagta hai. Steemit waalo ko kuch aisa tareeka nikaalna chahye ki ek hi baar me kayi saare photo upload kar sake. Khair koi utna photo upload karta hi nahi hai isliye koi ye idea sujha nahi raha hai unko ab kya kar sakte hai. 

Aap log dekh hi sakte ho kitni khubsurat karigari ki gayi hai. Mujhe to bhai bahut jyada pasand aaya hai aur mast apne dosto ke saath abhi 2 din se roj jaa raha hoon aaj bhi jaaunga. Pandal dekh dekh ke aata hoon aur bhai ladkiya bhi rahti hai  :D Hahaha isliye bas ghumne chale jaate hai roj roj. Aur khubsurat bhi hai yaar isliye achha bhi lagta hai. 

Dusre pandal bhi ghumne gaya tha lekin ye wala jyada maja aata hai. Aur ye mere ghar se saamne bhi padta hai isliye isko dekhne ke liye chala jaata hoon. 

Waise kolkata ka naam suna hai wo durga puja ke liye bahut mashoor hai. Kolkata me jyada durga maa ko hi maana jaata hai. Aur dusre bhagwan ko bahut kam darja dete hai waha ke log. Unki asli bhagwan durga maa hi hai. Hum to bhai sabhi bhagwan ki puja karte hai. Ek baar sayad mamta didi ne bol diya tha unki bhagwan sirf durga maa hai aur koi sri Ram nahi. Ye baat mujhe bahut buri lagi thi yaar. 

Khair ab kya kare lekin baat to sahi hai durga maa ki bahut izzat hai kolkata me. Mera matlab waha ki pandal ki baat hi alag hai. Net me dekhta rahta hoon kabhi gaya nahi hoon main kolkata isliye waha ke baare me kuch aap ko bata nahi sakta hoon bas jo suna hai wahi bata raha hoon. 

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

You got a 93.02% upvote from @minnowvotes courtesy of @amrishraj!