KONTES MEUPANTOEN DALAM BAHASA ACEH #21 | Pengumuman Kontes 20

2년 전

http://www.pantonaceh.com


cover.jpg

Syarat dan Ketentuan Kontes PANTOEN edisi 21

  • Resteem post nyo (tujuan jih untuk promosi kontes nyo ke mandum rakan - rakan steemit)
  • Peugot saboh panton dalam bahasa aceh beuna kata - kata "Maghfirah" lam panton nyan (paleng kureng saboh bait).
  • Pantoen yang kaleuh neupegot ne post bak komentar post nyo.
  • Pantoen harus karya dro dan hanjet jiplak bak buku atau internet (belum pernah dipublikasi)
  • Pantoen hana payah panyang yang penteng bermakna
  • Wate jih 3 uro mulai postingan nyo kamo terbitkan.

Hadiah

  • 3 boh panton terpilih akan merempok hadiah dari kamo.
  • Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)

Sponsor






3 PANTOEN TERPILIH BAK KONTES KE-20

Seulamat kepada @amrizal.amd, @keugalak dan @yayan . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Gadoh aneuk meupat jrat, gadoh adat hana pat tamita.
http://www.pantonaceh.com

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Bek tiga that meupanton sagoe nyan😁😁

TAHARAP MAGHFIRAH
Assalamualaikom warahmatullah
Jaro dua blah ateuh jeumala
Meunye na salah haba lon peugah
Bak rakan sileumpah meu'ah lon pinta
Hana ta the the rakan meutuah
Buleun yang meugah karap di gisa
Buleun yang suci peunoh maghfirah
Karap takeubah tamoeng uroe raya
Haba peuingat keurakan boh hate
Bak siploh yang akhe tanyoe berada
Lage ka tateupu geupeugah le gure
Bak puasa yang akhe lailatul qada
Buleun ramadhan cit cokop that meugah
Buleun maghfirah keumandum hamba
Tamah ngen kadar rakan meutuah
Syit han tatu'oh peugah pahala ube raya
Tameulake manteng kanibak allah
Beuroh geutanyoe lam ampon dosa
Ramadhan tatinggai dalam maghfirah
Tuboh meutuah hana le dosa
Bak mandum rakan meu'ah lon lake
Kadang syit teunte ulon na dosa
Meu'ah lon lake baten ngen lahe
Kadang han meutume bak uroe raya.
"Wassalamualaikun keumandum syedara..!

BEUMEUREUMPEK MAGHFIRAH
Ulon bi saleum tanda horeumat
Jaro tamumat tanda mulia
Tamumat jaro mungken goh seumpat
Kakeuh lon intat saleum dile na
Leumpah na sayang takalon siwah
Sayeup ka patah bak keunoeng pusu
Cukop that sayang rakan meutuah
Buleun maghfirah karap berlalu
Buleun yang suci mulia that hebat
Buleun keu ummat rahmat meutabu
Meuso yang sibok deungen ibatat
Balasan meulipat kehendak tuhan ku
Dak that Taharap brat that tagaseh
Teutap nyan abeh buleun meutuka
Lapan uroe teuk yoh goh nyan abeh
Beutatem meuabeh rahmat tamita
Pubut ibadah sabe keu allah
Ramadhan leupah ngen ampon dosa
Beuroh geutanyoe dalam maghfirah
Tawo bak allah tamoeng syuruga
Nyokeuh sagai rakan meutuah
Bacut peuingat haba ulon ba
Ban bandum tanyoe saleng peumeuah
Mangat tanyoe glah deungen rabbana.
"Wassalam,trimoeng geunaseh.

Panton Aceh

Assamualaikum Warahmatullah
Saleum sipatah keu mandum syedara
Samboet saleum lon laju beu bagah
Haba lon peugah tanda mulia

Dicoeng bak manggeng jimeuloet siwah
Dicoeng bak lawah sidoem seerangga
Beuleun puasa peunoeh maghfirah
Beuleun nyan indah keu tayoe manusia

Dicoeng bak rambot dimuloet tiwah
Dicoeng bak panah umpueng ceng pala
Ta peubuet suroeh peu jioh teugah
Beu meureumpok maghfirah bak Allah Ta'ala

Aneuk miet groep - groep dicoeng meunasah
Hana pat peugah geurangsang raya
Meumada oeh noe maghfirah lon peugah
Nye na salah beu meuah sigra

Sigli, 8 Juni 2018

Salam alaikom warah matullah
Pujoe keu Allah Seulaweut keu Nabi
Rahmat sejahtera saleum kembali
Keu umat Nabi yang that mulia

Deungo hai rakan bacut lon rawi
Kheun hadist Nabi dalam riwayat
Kaleuh geu surah leumah ngon bukti
Keu ummat Nabi yang jroeh puasa

Ploh sa kaleupah ploh dua bersemi
Tanyo jalani bulen maghfirah
Talake doa bak Tuhan Rabbon Ilahi
Mandum beu geubi asoe syuruga

Uroe puasa malam taraweh
Keu sunat leubeh tabaca quran
Meusoe yang pubut suroeh ngoen bereh
Allah bi jadeh syuruga lapan

Geu kheun maghfirah ploh dua geuboh
Lake ampon tuboh dari but dosa
Amalan tapubut pahala beutroh
Merdeka tuboh bak apui nuraka.

Meumada dile haba meupanton
haba judul phon tentang maghfirah
Kaleuh lon tuleh bak komen langsong
Mudah-muhan lon beu roeh lemboi sa

Wassalam

BULEUN MAGHFIRAH
Assalamualaikom mandum syara lon
Sambot saleum lon yang baro teuka
Long neuk ci ikot lomba meupanton
Yang geupeuget langsong uleh sogata
Syarat panton kalinyo meunurot geupeugah
Beuna roh Maghfirah keu aso haba
Kakeuh lon coba bacut lon peugah
Teuntang fadhilah buleun puasa
Buleun puasa lage tadeunge gah
Buleun maghfirah geu ampon dosa
Meuso tem ibadat bak buleun meutuah
Pahala geubalah meulipat ganda
So yang lake ampon taubat keupada allah
Bak buleun meutuah geutrimoeng sigra
Karna buleun nyo rahmat geulimpah
Iradah allah keu ummat lam donya
Kasep ohno haba lon peugah
Takot le salah panyang that haba
Kureung ngen leubeh lon lake meuah
Maklum meutuah ilme lon hana.
#Trimoeng geunaseh.

di lhokseumawe na PT aron
sampo lhoksukon ji pasang pipa
jaro dua blah rakan lon lambong
meah desya lon bulen puasa

niet lam hate rakan begleh gleh
bek sampe mecureh jet keu binasa
ta jaga hate wahee e wareh
bek sampe mekreh ngen ureng lingka

jimesu rudok tengeh cot uro
tanda lam nanggroe ji ek ie raya
ta pegleh ate wahe e adoe
nyo karab to ngen uro raya

rudok dalam gle ujen ka tep top
gajah di merot on capa paya
wahee rakan long bedeh cok silop
langkah kedeh ret u melasah sigra

by @muktariza011095

Salam alaikom Rakan sinaroe..
Saleum keu adoe rekan semua..

Buleun puasa rab di Tinggai geutanyoe..
Langet ngoen bumoe diklik meu aa aa..

Jai that Fadhilah nibak buleun Nyoe..
Maghfirah dum soe pintoe neu buka..

Meu gunong rahmad geu curah le poe..
Beu sungguh adoe gata ta pinta..

Peu loem dosa kaa ube bumoe..
Mandum meusahoe bak gata dum naa..

Na kesempatan Tinggai 6 uroe..
Maghfirah bak poe lake beu si gera..

Aceh Utara na Nisam sitty..
Jalan meu ilie meupuseng gisa..

Oeh Noe keuh Pantoen yang uloen rawie..
Selamat berbagi tanyoe lam rika..

Sekian!!

Buleun Ramadhan geukheun le Nabi..
Buluen ummati yang that mulia..

Saleum sejahtera keu mandum akhy..
Saleum meuturi dengoen @sogata..

Mita boh panah sideh di idi..
Mita boh giri di matang jeumpa..

Buleun MAGHFIRAH sithoen sekali..
Buluen Allah brie Ramadhan nama..

Dum na Jai dosa gata Hay Akhy..
Dak umpama iie dilaot raya..

Kehendak Allah MAGHFIRAH neu brie..
Soe manteong akhy tobat nashuha..

MAGHFIRAH Allah kalhuh neu janji..
Keu ummat Nabi Rasul mustafa..

Khusus Ramadhan peluang tinggi..
MAGHFIRAH Geu brie tahapos desya..

Wahe oe aduen Rakan islami..
Bek dok bak TV hue Aneuk mata..

Menyoe Ramadhan Han neupeudoli..
Hana le arti hudep lam donya..

Jak tueng iie wudhu' nak tameungaji..
Redha Ilahi taharap sigra..

Doa tamohon bak maha tinggi..
Ngoen hate suci ikhuelas beuna..

Sekian!

Assalamualaikum wr.wb

Meuh ngon perak hiasan gampong
Reumoh geudong hiasan kota

Beulun puasa sedang berlansong
Teumpat berlindong dari azeub neraka

Wassalamualaikum wr.wb

Salam alaikom Hay Teungku Ampoen..
Saleum dari loen keu gata dum na..

Nibak saat Nyoe loen karang Pantoen..
MAGHFIRAH Akhon judul geuyu baa..

Buluen Ramadhan keu hendak Rabboen..
Buluen meususoen Rahmad keu gata..

Pintoe MAGHFIRAH yang lake ampoen..
Allah peulindoeng akhirat donya..

Dak pih di gata desya ban iimboen..
Desya ngoen kaom Tetangga lingka..

Soal MAGHFIRAH Jak muah langsong..
Desya ngoen kaom meunan keuh cara..

Jika na Desya gata ngoen Rabboen..
Desya meu susoen Ban iie telaga..

Allah peu muah talake ampoen..
Tobat Hay akhoen wajib nashuha..

Mumada oeh noe rika loen susoen..
Rika lam pantoen beujeut peunawa..

Dilaen wate rika loen yang fhoen..
Hendak loen susoen leubeh sempurna..

Sekian!😃

Sedeh that hate wate ta ingat
bala rayek that ka dike mata
Buleun maghfirah ka rap beurangkat
ummat muhammad tijoh ie mata

meunyona umu bak po hazarat
neubri berekat ibadah dumna
neubi beumate bek lam muzarat
neubi selamat iman lam dada

wahe saudara timu ngon barat
meah rayek that jino beusigra
walau geutanyo hana meusapat
meubek meukumat dosa lam donya

dipadang masya beuna hikemat
neubri selamat kamo nyoe dumna
neubi keu kamo dumna syufu'at
wate neuhisab meubekna dosa

Saya belum sempat mengukuti nya..mudah-mudahan kedepan saya ounya kesempatan

Hallo...apakah saya bisa ikutbkontws anda?
Terima kasih atas perhatiannya

Semoga saja saat kontes kedepan saya bisa mengikutinya

Tolong untuk memberikan kabar kepada saya

Apabila anda membuat kontes selanjutnya harap mention nama saya, saya masih baru dalam hal ini

Wahhh terlambat untuk mengetahuinya saya..