Bollywood film "War" review in hindi

3개월 전

Aaj hi main war film dekh ke aaya hoon koi saath jaane wala nahi tha isliye main akele hi dekhne ke liye gaya. Dost to they lekin koi jana nahi chahta tha kisi ne joker dekhi to kisi ke pass paisa hi nahi tha isliye main socha chalo main akele hi dekh kar aata hoon tab jaa ke main khud dekh ke aaya ye film. Abhi bhi theatre me lagi hui hai aur kaafi achhi kamayi kar rahi hai. Ab tak ye film 250 crore se bhi jyada kama chuki hai sirf India me. 


source

Pura collection ki baat kare to film ne ab tak 350 crore ki kamayi kar li hai worldwide. Aur abhi khatam nahi hua hai bhai log abhi to kamayi shuru hui hai aur mujhe lagta hai India me araam se ye film 300 crore kama legi. Batao iss saal salman khan ki film bhi 300 crore nahi kama paayi hai. Bharat aayi thi lekin kaafi slow thi maine dekhi mujhe utna khaas nahi laga wo film. 

Kon kon hai star cast.
Ab baat karte hai film war ke star cast ki, mujhe lagta hai aap jaante hi honge fir bhi main aap ko bata deta hoon ki isme hrithik roshan aur tiger sharoff lead role me hai. Aur  Vaani Kapoor actress hai lekin iska role bas thoda sa hi hai bas ek jagah bikini me najar aati hai aur ek gaana aur bas  minut ka role hoga warna iska koi role nahi hai. 


source

Kaisi hai kahani.
Bas iski kahani thodi dhimi hai yaar. Wahi sab hai terrorist RAW agent. Jo aap pahle hi salman khan ki film ek tha tiger me dekh chuke hai aur bang bang me dekh chuke hai. 

Isme tiger sharof ka senior rahta hai hrithik roshan matlab iske under me wo kaam karta hai lekin tiger ke pitaji ek gaddar rahte hai aur isliye hrithik tiger ko uske baap ki wajah se apni team me lena nahi chahta hai lekin fir bhi le leta hai. Uske baad fir inka mission shuru hota hai rijwan elyasi ko pakadne ka. Film me tiger mar bhi jaata hai aur uska chahra leke ek gunda aa jaata hai. 

Hrithik roshan apni team me ek gaddar ki talaash me rahta hai aur achanak se mujhe lagta hai ki ye tiger hi sala gaddar hai aur apne baap par gaya hai. Lekin fir pata chalta hai tiger ko wo gunda maar deta hai aur uska chahra le leta hai fir dil me thoda shukoon milta hai mujhe ki chalo sala kam se kam apne baap ki tarah ye gaddar to nahi tha. 


source

Action hai jabardast iss film ka.
Ji dosto is me action thik thaak dikhaya hai aur hrithik hai bhai to maja to aayega hi aayega. Hrithik ki aisi hi filme mujhe sahi lagti hai ek banaya isne super 30 wo utna khaas nahi lagi mujhe. Usme bekaar dikh raha tha banda bas isliye maine wo film hi nahi dekhi. 

Ab baat karte hai ki film ko kitne points dena chahye. Main iss film ko 10 me 7.5 rating dena chahunga. Mujhe ye film bas itna hi achha laga hai. Hrithik ke alawa tiger bhi achha tha iss film me aur dono ne behtreen kaam kiya hai. 

Waise mujhe hrithik roshan ki bang bang kaafi achhi lagi thi. Usme bhi ek spy ke role me they hrithik usme jyada handsome bhi dikh rahe they aur maar dhaar bhi mast tha aur kahani bhi thodi achhi lagi thi mujhe. Ye bhi sahi hai lekin bang bang kamaal ka tha bhai log wo maine ab tak kayi baar dekha hai lekin war film ek baar se jyada aap ko pasand hi nahi aayega dekhne me mann hi nahi karega. 

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT