Bollywood film "Bala" trailer and poster review

3개월 전

Aaj main kisi film ka review nahi balki ek film ke trailer aur uski poster ka review karne jaa raha hoon. Ye film ka trailer kaafi charcha me hai aur logo ko kaafi pasand bhi aa raha hai. Mujhe bhi kaafi pasand aaya hai abhi isi ke jaisa ek aur trailer aaya hai jiss ka naam ujda chaman hai. Dono filme ek hi jaisi hi hai dono me hero ke baal ude huye hai lekin ye film jyada chalegi kyo ki iss me ayushman hai aur aap to jaante hi hai iske kaafi fan following ho gayi hai abhi.


source

Ye film ka pahla poster hai jisme ayushman apne sir par paani daal rahe hai kyo ki baal aa nahi rahe hai. Iss film me uska baal bahut achha rahta hai bachpan me lekin baad me udd jaata hai isliye bande ka naam bala rahta hai lekin fir bechaare ke jawan hote hote baal hi udd jaate hai. 

Foriegn me to bhai takle logo ko bhi kaafi pasand kiya jaata hai lekin humare desh me taklo ko koi pasand nahi karta hai aur aap ye baat jaante hi honge. Sab yaha taklo ka majaak udaate hai aur jawaani me baal jhadh jaaye to bhai tab to gaya kaam se. Fir to shaadi bhi nahi hone waali hai aur videsh me dekh lo taklo ke pass hi mast mast ladkiya hai lekin humare desh me nahi milne waali hai. 


source

Dekhiye ye poster dekhiye ye bhi mast hai. Isme hero ke dost aur ristedaar uske baal ugaane me jadi buti laga rahe hai. Lag raha hai na ye bhi jhakkas. Dono hi film ke poster mujhe thik hi lage hai dono achhe hai aur umeed karta hoon film bhi achhi hogi. 

Waise bhai ab tak ayushman ki hi chandi hi chandi hai. Shahrukh khan ki filme 100 crore nahi kama rahi hai aur iski sabhi filme mast kamayi kar rahi hai. Abhi kuch hi din huye hai dream girl ko release huye aur aap ko pata hai usne 150 crore se jyada ki kamayi kar li hai. Pata nahi 200 crore hua ki nahi hua hai lekin mujhe lagta hai abhi aur chalegi mast kamayegi. Ye 2 filme release hui hai na war aur joker iss wajah se thoda slow ho gaya hai warna mast kamayi kar hi rahi thi wo film. 

Maine ab tak dream girl dekha nahi hai lekin uska trailer mujhe bahut pasand aaya tha. Ye banda ab chaa gaya hai yaar sab ko pasand aa raha hai aur sab ko achha lag raha hai. 


Video source

Ye hai bala ka trailer kaisa laga aap sabhi logo ko? Mujhe to bhai bahut jyada pasand aaya hai. Kuch kuch to bhayanak jokes daal diye hai aur akhir wala joke to bhaiyya ek dum paar hi hai. Hero bol deta hai ye doctor mere jhaat ke baal sir me lagayega. Sala pura bhayanak hi ho gaya hai yaar ab bollywood sab kuch khullam khulla bol dete hai bhai log. 

Aap ko kaisa laga hai trailer ye bhi comment kar ke bataiye main jaanna chahunga ki aap ko kaisa laga hai iss film ka trailer. Thik hai na bhai log comment me jarur bataye aur ye bhi bataye ki aap log jaa rahe ho ye film dekhne ke liye ki nahi jaa rahe hai. 

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

You got a 96.67% upvote from @minnowvotes courtesy of @amrishraj!