Telugu film "Temper" review in Hindi

3개월 전

Bhai log south indian filme aap log dekhte hai ki nahi dekhte hai ? Main to dekhta hoon kyo ki mujhe bahut pasand hai south india ki filme. Aur sach kahu to mujhe bollywood se jyada south indian filme hi pasand hai. Ye log sex par depend nahi rahte hai aur bollywood film me bas wahi film chalti hai jisme hot scene aur sex scene ho ya fir desh bhakti waali film ho. Lekin south india me entertainment chalta hai. 

Bas yahi wajah hai ki mujh south india ki filme jyada pasand hai. Ye log mast filme banaate hai, bas entertainment waali filme banaate hai inki filmo me hot scene wagera nahi hota hai fir bhi inki filme mast chalti hai aur bollywood me to aap jaante hi hai ki kaisi kaisi filme chalti hai. 


source

Aaj jiss film ka main review karne wala hoon uska naam hai temper. Ye ek telugu film hai jo ki kaafi jabardast film hai iss par ek bollywood film bhi bani hai simmba. Aap to jaante hi ho bollywood waale copy karne me ek dum aage hai aur bas sabhi filme copy kar kar ke hi banaate hai. Rohit shetty south indian filmo ki copy karne me aage hai. Aur ek apna salman khan copy karne me aage hai bas yahi 2 hai jo bahut copy karte hai. 

Kaisi hai film temper.
Kamaal ki film hai bhai log ek bachha rahta hai jo gunda rahta hai pahle lekin fir usko pata chalta hai ki police banne me jyada faayda hai aur jyada kamayi ho sakti hai bas isliye wo ladka padh padh kar ek police wala ban jaata hai. Aur sab ko chuna lagata hai lekin fir ek aisa case mil jaata hai ki wo sudhar jaata hai aur uske baad kya hota hai aap ko ye film dekh kar pata chalegi. 


source

Ye film bahut pahle aayi thi aur iss ke baare me ek baar pahle bhi post kar chuka hoon main lekin review nahi tha. Main to bhai log aap se yahi kahunga ki simmba dekhne se achha hai aap log ye film dekhe aap ko bahut jyada maja aayega. Kitna mast hai ye sirf main hi jaanta hoon aur aap log bhi jaan jaayenge jab aap ye film dekhenge. 

Kaise hai iss film ke kalakar.
Isme NTR hai aur uske saath me kajal hai. Jo ki meri pasandeeda hai dono hi mujhe kaafi achhe lagte hai. Ye meri pasandeeda me se ek hai aur maine ye film ek baar nahi kayi baar dekhi hai. Sab ne bahut hi kamaal ki abinay kiya hai aur aap ko ye film ek baar dekhna hi chahye. 

Kitne star dunga main iss film ko.
Bhai log main iss film ko 10 me se 8.5 number dunga. Abhi tak jitne filmo ka review kiya hai maine usme se sab se jyada review maine iss film ko diya hai. Iss ki kahani bahut hi jabardast hai aur kuch sikhne ko milta hai. Bas isliye kahna chahta hoon ki aap log dekhe jarur. 


video source

Ye puri film youtube me hai aap ko dekhni chahye. Bas temper likhna aap ko mil jaayega goldmine telefilms me ye puri film upload ki gayi hai. Uske niche ke comments dekhna sab ne film ko kaafi pasand kiya hai bollywood ne iski copy ki hai lekin usko dekhne se achha hai ki aap isko dekhna agar aap ko pasand nahi aaye to kahna. 

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT