KONTES MEUPANTOEN DALAM BAHASA ACEH #14 | Pengumuman Kontes 13

2년 전

cover.jpg

Syarat dan Ketentuan Kontes PANTOEN edisi 14

  • Resteem post nyo (tujuan jih untuk promosi kontes nyo ke mandum rakan - rakan steemit)
  • Peugot saboh panton dalam bahasa aceh beuna kata - kata "TERAWEH" lam panton nyan (paleng kureng saboh bait).
  • Pantoen yang kaleuh neupegot ne post bak komentar post nyo.
  • Pantoen harus karya dro dan hanjet jiplak bak buku atau internet (belum pernah dipublikasi)
  • Pantoen hana payah panyang yang penteng bermakna
  • Wate jih 3 uro mulai postingan nyo kamo terbitkan.

Hadiah

  • 3 boh panton terpilih akan merempok hadiah dari kamo.
  • Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)

Sponsor





3 PANTOEN TERPILIH BAK KONTES KE-13

!





Seulamat kepada @awahidsteem, @ahadipj dan @nandaibra . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Kamo Segenap Team Pantoen Aceh mengucapkan seulamat Menunaikan Ibadah Puasa 1439 Hijriah. Mohon Maaf Lahir dan Batin

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT
Sort Order:  trending

Salam'alaikum warrahmatullah
Saleum yg ramah phon phon meurika
Kadang lam panton na keuh yng salah
Lon lakey meuah bak kawom dumna

Buleun ramadhan cukop bereukah
Buleuen ibadah keumanusia
Soso yang sambot deungon ikheulah
Neubri le allah rayek that pahla

Pubuet puasa beuna hai rakan
Teuma seumbahyang bek sagai lupa
Keu ibadah farzu wajeb keurjakan
Meubek tinggalan yang sunnah juwa

Pubuet teuraweh bak Buleun suci
Pahla allah bri meulipat ganda
Geuampon dasya diri sendiri
Meunankeuh abi seureuta poma

WalAu fazilah raya hana ban
Hana ukuran neulipat ganda
Yng namun teraweh dum ji tinggalkan
Oleh dum Insan ummat saydina

Malam yg keuphon rame tht ureung
Hn ek tabileueng nibak musalla
siminggu leuh nyan saf kakureueng
Ka abeh ureung jak nonton kaca

Pulom tapeugh malam tujoh blah
Sayanb sileumpah di aneuk muda
Bak keude kupi rakan meutwah
Yak cok fazilah ken keu agama

Lhee malam akhe tinggai limeng dro
Hn le soso aneuk yang muda
Meunan peukateun diureung tanyo
Ureunv aceh nyo tabiat kana

Tulo dalam blang jipo meukawan
Mita makanan di alam raya
Etnokeuh mantong haba lon tuan
Mudah-mudahan Allah bi pahla.
By @munawircekwin

TEURAWEH

Saleum ulon brie keu Ureung Aceh
Sideh pulau weh ujong sumatra
Fadhilah neubi pubuet teuraweh
Fahala leubeh nibak rabbana

Buleun puasa tiep sabee ta preh
Buleun yang leubeh geukheun saidina
Uroe puasa malam teuraweh
Segolom ta eh pujoe ta'ala

Buleun 15 cahya cukop trang
Pengeuh dalam blang ie raya teuka
Meunyoe teuraweh ta tem sembahyang
Fahla bak tuhan meulipat ganda

Fadhilah teuraweh leupah le macam
Dari phon awai sampo oeh jula
Dari malam phon dan laen malam
Dalam buleun nyan meuribei fahla

Shalat teuraweh 20 rakaat
Pendapat kuat yang kheun ulama
Na cit yang ladom 8 rakaat
Kiban yang mangat neu hambo saja

Yang bek meudawa soal teuraweh
Nyoe hana bereh bek neu keurija
Bek lam meusijid neu peukreuh mareh
Dawa teuraweh sampoe an jula

Ta eu pat laen cukop that bereh
Shalat teuraweh watee lheuh isya
Hana meudawa kheun po nyoe po jeh
Pubut hai wareh yoeh mantong teuga

Nyoe ka han ek le kajeut teungku eh
Shalat teuraweh han le kuasa
Tinggai teuk jawoeng teusut lam mareh
Nafah ka habeh ka waba puta

Teurimong geunaseh.

MACAM MODEL JAK BAK TERAWEH

Jameun jinoe jameun ka canggeh
Jak bak teuraweh meu macam cara
Agam ngoen dara ka jimeu preh-preh
Jiwoe teuraweh jak dua-dua

Pulom di kota parah lom leubeh
Jak bak teuraweh duk saboh honda
Oeh ta eu jiwoe wet keunoe keudeh
Jijak koh lipeh jeut sagoe kota

Sembahyang teraweh 20 rakaat
Na cit hai sahbat yang 8 saja
Meunuroet dali ta eu lam kitab
Lagee buet sahbat Saidina Uma

Lon deungoe barosa di Banda Aceh
Seumbahyang teraweh ka jeut keudawa
Dalam meuseujid ka geu meu peh-peh
Ngoen wap teuraweh putoh syedara

Neu ikoet ulama wahee ee wareh
Seumbahyang teraweh bek neu meudawa
Di ureung kafee jikhem meu keh-keh
Sembahyang teuraweh jeut karu raya

Neu baca kitab neu kalon dali
Bek lagee wahabi gadoeh meudawa
Bak peugah keu gob tan ikoet nabi
Padahai wahabi ileume hana

Sekian, Batee Pila 19 Mei 2019

Alhamdulillah lon pujoe tuhan
Yang peujeut alam langet ngoen bumoe
Yang peujeut uroe sireuta malam
Neu peujeut alam ngoen kayei dumna

Lage lam sabda nabi janjungan
Rasul di tuhan Muhammad nama
Neuhias buleun dengoen ramadhan
Keu bandum insan yang na puasa

Buleun ramadhan cukoep that leubeh
Pubuet teuraweh jai that fahale
Sireuta witir pubuet hai wareh
Segolom ta eh jak mita fahla

Rata meulasah ureung geuteubiet
Na yang bak mesjid atau mushalla
Mita fadhilah shalat teuraweh
Rakan ngoen wareh agam ngoen dara

Nibak malam phoen rame meuleumpah
Meu rupah-rupah geudoeng bak shaf sa
Na meu lhee malam han loet meulasah
Oeh lheuh limoeng blah seungue leumpah na

Ureung yang agam jak mita nafkah
Bajei geukubah keu uroe raya
Dum ureung inong peugoet keukarah
Jiwoe si dolah lakoe sidara

Ka na alasan laloe ngoen kueh
Soal teuraweh ka sereng hana
Meunoe keuh laku wahee e wareh
Sembahyang teuraweh tiep tiep puasa.

Lhokseumawe, 17 Mei 2018

PHALA TEURAWEH

Salam'alaikom warahmatullah jinoe
lon kisah pahla puasa dalam hadist
pih kalheuh geupeugah raya lom leu-
pah "teuraweh" beuna

Teuman yang ladom di jih ka mumang
salah peutimang guree jih hana teuman
yang ladom get geu iman nyan keuh
ureung nyan yang lee that phala

Phala "teuraweh" tungku meutuah
jinoe lon peugah seu alakada nibak
malam phon kalheuh geupaeugah
ampon dosa glah nibak bala

Teuman yang ladom na sit geukisah
Geupeu ampon lee Allah dosa ayah
ngen poma, malam keudua phala
meulimpah "teuraweh" beuna

Mumada 'ohnoe haba lon kisah beu
toi ngen salah peu meu'ah sigra
Ngen tameu panton lagee crah beukah
kadang na salah meu'ah hai syara...

Nnisam antara, 18 mei 2018

Sembahyang taraweh.

Bungong mulu warna puteh gleh,
Keumang oeh beungeh haram lagoina,
Buleun syakban baroesa kabeuh,
Hate teuh beu gleh tamoeng puasa,

Tarawoet oen u peugot keu pureh.
Ta yue sampoh binteh bak sinyak dara.
Buleun puasa katrok hai wareh.
Tanyoe teraweh bek sagai lupa.

Tajak u kude tajak bloe payeh.
Tapuwoe keudeh u romoeh tangga.
Oeh buka puasa beuk le pue cukeh.
Takoet han ek teraweh leumoh teuh raya.

Meumada oeh noe pantoen loen tuleh.
Sebab hai wareh ka watee isya.
Jinoe lon meusiap neuk jak teraweh.
Ma sigam ka dipreh jeh pat di lua.

PIASAN TARAWEH UMMAT

Oh watee Peukan rame Han Sakri
Bak bineh pasi dum that manusia
Assalamualaikum ulon grak bibi
Lon beot gaki lon komen bak @sogata

Ulon keuneuk peugah saboeh calitra
Keu mameh haba bak buleun suci
Bak kesempatan nyoe sinoe lon buka
Tentang Piasan dum ummat nabi.

Bak malam phon dari ramadhan
Jak taraweh Han jan sang-sang Ken lee
Bak pakat mandum rakan-rakan
Jak beurijang bek laloe lee

Teuma malam keudua dan malam keulhee
Semangat hana bree manteng lagee ban
Meulingkeu nibak nyan wahee ee guree
Sang meusuon batee nyan ban ukuran

Golom tapeugah malam keu siploh
Golom lon peu roeh malam limong blah
Mnye geujak, sang hana troh
Paleng geu piyoh oh Keude bang lah.

Bak pertengahan malam ramadhan
Chit ka meunan peukateun ummat
Ken meu bak tanyoe toek menan piasan
Mandum taulan meunan tabiat.

Watee takalon dalam meunasah
Shaf jama'ah chit ureung-ureung nyan
Kadang na chit bacut meutamah
Nyan pih anggota tuha peut ngen tuha lapan.

Mungken kasep nyoe bacut dari ulon tuan
Sekedar curhatan bak watee luangnyoe
Mnye na tuto yang kureung sopan
Pemeuah hai rakan lon tuan manteng meureuno.

Asalaimualaikom hai tumpang tanoh
Ban beukah suboh imsak pih teuka
Ta nyoe puasa si uroe punoh
Ta preh rakan jroh megreb troh teuka

Santap hidangan bek leubeh lebeh
Bek sampe Teraweh teunget lam tika
Ehno keuh mantong rika lon syareh
Paneuk ngon lebeh hana lon jaga

Dak hana meunang kana lam kontes
Adak hana bereh yang penteng kana
Hana ku copy bak gop ku caplak
Tapi nyo mutlak kedroe lon rika

Rhoh masa ubeut tanyo ta tak teh
Langkah ta aleh sibanja banja
Assalamualaikum ulon peu saheh
Keu bhah teuraweh keuneuk meurika

Riyeuk di laot jipoe u bineh
Sinyak kup rimeh bineh kuala
Puasa ramadhan beuleun teuleubeh
Tanyo beu bereh Pujoe rabbana

Sideh dimatang meugah satee tumeh
Kuwah kreung mameh peuget le miwa
Lheuh tapuasa beuna teuraweh
Beuna lom tasbeh oh malam jula

Kampus unsyiah di banda aceh
Cukop bereh2 dum mahasiswa
Meu macam2 ureung teuraweh
Neudeungo bg syeh ulon calitra

Dipidie jaya na jalan layang
Ramee disinan oh watee sinja
Buhu lon ganto dari eh keu an
Mangat get timang haba meurika

Bukon le sayang ta eu bak Mamplam
Kapatah hay bang buet angen raya
Ladom beuo ureung Sembahyang
Nyo ayat panyang Tgk imum geuba

Na cit yang ladom wate Sembahyang
Ka diklik sigam ube be raya
Nacit lon kalon di kak maryam
Lalee di gopnyan bak selvi saja

Aleuh nyan upload bak inseutaleugram
Pamer di gopnyan bak dunya maya
Ancoe pikiran watee tabayang
Aleh pakiban jameun jino ka

Na cit ta eu oh wate buka hay rakan
Geu eu makanan Meu macam rupa
Mandum geupajoh dumpeu ka geu tran
Teuraweh lheuh nyan haek keurija

Oh no keuh dilee Haba karangan
Meubek hay cut bang lagee lon rika
Sembahyang teuraweh beu bereh rakan
Beuleun ramadhan le that fahala

Ahadipj, 19 Mei 2018

Asssalamulaikom bak sogata ie mbon
Walaikomsalam su'oet syedara
Beuklam kaleuh neu deng terweh malam phon
Enteuk malam bek tuwe teuraweh malam kedua


Enteuk supok bek tuwe neu jak cok kanji
Kadang na khanduri dr tgk haji nibak puasa sa
Oh noe keuh manteng loen ci coba mulai
Kadang raseuki vote keu loen 🤣 nibak maha kuasa😍

TEUNTANG NIETJAKTERAWEH
"Alhamdulillah keu allah tapujoe
Tanyoe kasampoe lambuleun puasa
Nyokeuh buleun rahmat geubi uleh poe
Untuk geutanyo pahala meuganda
Lambuleun puasa geuyu meuteraweh
Pahala geuleubeh so yang keurija
Pubut teraweh dakjeut beuna jamaah
Mangat meutamah meuganda pahala
Tajak teraweh beu ngen ikhlas hate
Deungen niet yang suci ridha rabbana
Meubek na timoeh didalam hate
Mangat dikaloen le kawoem lingka
Meunyena sifeutnya rakan boh hate
Sayag bukeon le amalan gata
Harapan pahala hantroeh meusampe
Yang na hek badan kuweut dalam fa
Uleh seubab nyan wahe e rakan
Niet tujuan beugeot lamdada
Bek sampe teulah ateuh amalan
Oh tawoe bak tuhan pahala hana.

Salam'alaikom adun ngen wareh
Saleum lon ireh lon peu ek haba
Lon karang panton sira lon eh eh
Judul jih teraweh wahe syedara


Tajak u keude tabloe bantai eh
Bloe kueh lapeh keu buka puasa
Agam ngen dara bek tiga that neu eh
Katroh teraweh wate ka tiba


Meunye hate teuh teungeh seudeh
Ubat jih tasbeh Qur'an tabaca
Tamah loem wirit deungon teraweh
Pahala leubeh geu lipat ganda


Tajak u pasai tabloe boeh tasbeh
Laju peusaheh tika mushalla
Mangat sempurna bak malam teraweh
Semoga leubeh meulimpah pahala


Keude meureudu tamoeng u dalam
Meunasah kulam di meurah dua
Keu bandum wareh ulon bi salam
Wallahuaklam akhe cerita


@nandaibra, meureudu 19 mei 2018

  ·  2년 전

Salam alaikum wahee ee wareh
Nyoe saboh tambeh lon keuneuk rika
Soal teuraweh lon keuneuk tuleh
Meu padum bareh si alakada

Buleun puasa cukop that leubeh
So yang teuraweh jai that pahala
Oeh lheuh seumbahyang baca teusebeh
Bek dilei taweh nibak mushalla

Yang cukop gura wahee apasyeh
Jak bak teuraweh agam ngoen dara
Teubiet direumoeh baca sms
Yang agam ji preh bak jalan raya

Ijak bak jalan meucukeh-cukeh
Aleh pu teupeh jikhem meu ha ha
Agam ngoen dara cukop that bereh
Oeh woe teuraweh meuraba-raba

Yang ladom macam teungoeh teuraweh
Roet likoet ji eh ateuh mushalla
Igop yang laen laloe teuraweh
Di jih SMS laloe meucinta

Pubuet teuraweh bek keupiasan
Mita amalan nibak rabbana
Pubuet beu yakin wahee ee rakan
Fahla bak tuhan meulipat ganda

Fahla teuraweh hai tgk ampon
Kalheuh geu suson uleh ulama
Kalheuh geu tuleh mulai malam phoen
Ubena kandong ka geupeunyata

Pulom meurumpok lailatul qadar
Nibak malam nyan luar biasa
Soe pubut amai yang kebajikan
Imbalan tuhan meuribei fahla

Lailatul qadar hana soe tukri
Imum Syafi'ie na neu peunyata
Bak malam ganjei wahee ee akhi
Jeut neu peurati troek dua ploh sa

Nibak malam nyan sunyi han sakri
Dum roh yang suci geutroen u donya
Dan malaikat geutroen u bumi
Geudoeng meureuti bareh meubanja

Oeh watee shuboh baroe kembali
Keudeh bak rabbi laju neu gisa
Cukop bahgia dum ummat nabi
Yang pujoe rabbi Allah yang esa.

Aceh utara, 19 Mei 2018

TEURAWEH MALAM PUASA

Polem ngen cut poe neu dingoe
Bacut lon peusan buleun ramazhan
Keun reusam adat budaya bukon
Lah buleun meu lele peugot makanan,

Meulele macam hidangan watee tabuka
Supot uroe poh limong lale peubulit tupong Peugot kue boh rom rom teumon bukapuasa
Seupot uroe poh 5 lale takrut boh timon

Teuma yang hansep teumon ukeudee geujak mita, ka geublo boh jok situmpok adee ngen tiphan tape ngen bengkang
Mie kacang cindoi pih kana.

Kue meutumpok punoh plok kapunoh cawan
Lengkap makanan geuhidang di ateuh meja
Dimeusu tamboe ka thak tuk geubuka rijang
Lengkap makanan geucukeh geuteume rasa

Lee that geupajoh kue, prut pih kaabeh tarek
Terawah pih kahan'ek pulom seumayang isya, kageuphok boh u geulungku batok mejan jan geuramah santan mi sigam sibok lagona, bak geuduk beudoh kateh toh rap teuploh pinggang

Ka angoeh bengkang seubab barang pujo lagona, hek that bak peugot kue
Boh puteh pih katareek teuraweh pih kan han ek pulom seumayang isya
Meuyoe lagee nyoe puasa tanyoe hay rakan
Keun le keu tuhan teutapih peuturot hawa

Cukoep that Indah loen kaloen laot, angen pih djipoet leupi lagoina, Ramadhan teuka geutanjoe samboet, Rahmat allah peubaloet lam teuraweh teuma.

SEUNANG HATEE LAM PUASA

Bak ta wet-wet hana teurasa
Buleun mulia jinoe ka tiba
Buleun yang goet siumu masa
Iman lam dada tapeuseumpurna

Uroe puasa seupoet meubuka
Hate geumbira hana pat peusa
Lheuh nyan TEURAWEH loem takeurija
Peunyaket dausa teupiroe dumna

Lheuh nyan 'oh sawoe tabeudoeh sigra
Hate han saba keu uroe tiba
Pajoeh bu sawoe ngoen keuluarga
Rasa bahgia di dalam dada

Teuma alheuh bu taniet puasa
Mangat seumpurna tujuan yang na
Seumbahyang suboeh bek tuwoe teuma
Keupue puasa seumbahyang hana

Meupat keuh jiduek puasa yang na
Nyoe tiang agama geutanyoe hana
Adak bochoe pruet bak tapuasa
Nibak Rabbana hana sapuena

Yang brat ta rindu buleun puasa
Keu uroe raya rakan sidumna
Na chit yang ladoem peugoet pue yang na
Jame jiteuka na pue peutaba

Ladoem toet karah meubanja-banja
Kuweh meuntega pih hanjeut lupa
Keuripep boh pisang geucang geumbira
Seumangat raya keu uroe raya

Teuma aneuk miet pih leupah subra
Marcoen ceulana ngoen beude raya
Meunyoe han geubloe jiroe ie mata
Sayang teuh raya jikuw'a-kuw'a

Na chit yang lucu yang toem ta rasa
Makmeugang tiba sang uroe raya
Bajee ka jisoek marcoen meubla-bla
Nyan dum bahgia peunoeh ngoen warna

Tajak bak teungku ta meu'ah desya
Loem bak syedara takunjoeng teuma
Samboet-meunyamboet leupah that meusra
Beunci yang kana hana meuhoe ka

Meunan keuh kisah buleun puasa
Bacut loen rika keu tanyoe dumna
Loen lakee meu'ah nyoe salah kata
Salah ngoen dausa meusoe yang hana

Teurimong geunaseh ulon tuan kheun ateuh neupileh panton lon baroe, @sogata seumoga beusabee dalamlindong po teuh Allah, nibak neupeujak buet si uroe-uroe, beu meuhase keuh buet @sogata.

Teuraweh


Uroe ka seupoet mugreb rab tiba
Teuma lheuh insya teuraweh teuka
Seumbahyang sunat yang raya pahla
Hate geumbira soe-soe yang keurja

Allah bri nikmat meulipat ganda
Neu ampoen dausa ubena hamba
Meusoe yang ikhlas bak dikeurija
Cukoep mulia yang kan dirasa

Nibak malam nyan na hal yang beda
Lailatul qada meunyankeuh nama
Do'a taireng taroe ie mata
Allah peunyata hudep bahgia

Seusama muslem tameu'ah desya
Beurumeh muka suci ngoen jiwa
Deungki ngoen deundam bak saboeh masa
Tatinggai sigra meubek le taba

Meubek le taba keujam ngoen siksa
Inteuk binasa geutanyoe dumna
Malam teuraweh bek keuh tasia
Yang that mulia Allah peunyata

#BalaibeutDayahDarulAbrar

·
·
·

Peu^65%, peugah jue 100%, Ka lagee cheetah droeneuh, nyan mungkin na salah pemahaman, hanya allah yang tahu siapa yang lagee chetaah

Nyoe kontes hayeu... Long support 100 persen.

NYO PANTON TERAWEH DARI MALAM KE 1 SAMPE KE 30


Shalat Teuraweh Ji Meu Imum, Meunan Mukruet
Le That Fahla Hai Saudara, Meunyoe Tapubuet
Saidina Ali Tanyoeng Bak Nabi, Kiban Meukeuseud
Seumbahyang Teuraweh, Mupue Leubeh Nabi Neuseuboet

Jaweub Nabi Wahe Ali, Tapham Beujeut
Rayeuk That Fahla, Tuhan Esa Neuyue Pubuet
Tiep – Tiep Malam, Lam Ramadhan Nyoe Loen Seuboet
Le Fadhilah Nyoe Loen Peugah, Seun – Seun Bacut

Bak Malam Phoen, Ampoen Dosa Hai Tungku Cut
Ubiet Ngoen Rayeuk , Tuhan Peutroek Ban Meukeusud
Miseu Umpama Hai Saudara, Manyak Lam Pruet
Hana Dosa Seubab Gohna, Buet Ji Pubuet

Malam Keu Dua, Ampoen Dosa Ma Deungoen Yah
Hadist Nabi Le Tarmizi, Meunan Neupeugah
Dosa Ampoen Lagee Saboen, Baje Neurah
Meunan Umpama, Ampoen Dosa Ma Dengoen Yah

Malam Keu Lhee, Beuna Neuthee Nyoe Loen Peugah
Malaikat Hoi Ngoen Berseru, Di Yueb Arasy
Tajak Keunoe, Bak Malam Nyoe Ta Ibadah
Dosa Ampoen, Bube Nyangka Meunan Ulah

Malam Keu Peut , Ta Pham Beujeut Wahai Taulan
Neubri Fahla, Lagee Tabaca Kitab Tuhan
Taurat Injil, Kitab Zabur Ngoen Quru’an
Dumna Fahla, Hai Saudara Bri Le Tuhan

Malam Keu Liomoeng, Pham Beukeunoeng Wahe Rakan
Neubri Fahla Miseu Gata, Taseumbahyang
Bak Meuseujid Di Tanoeh Suci, Meunan Macam
Mesjid Nabawi Deungoen Aqsha, Mesjidil Haram

Malam Yang Keunam, Neupham Beusaheh
Miseu Seumbahyang, Baital Makmur Mantoeng Leubeh
Dum Lat Batat Ngoen Tanoeh Kleit, Ucap Taseubeh
Ureueng Puasa Lam Ramadhan Ngoen Teuraweh

Malam Keu Tujoeh, Neubri Fahla Kheun Pang Ulee
Lagee Meurumpoek Nabi Musa, Meunan Keuh Lagee
Fahla Muprang Ngoen Fir’aun, Meunan Teunte
Loem Ngoen Haman. Neukheun Meunan Le Pang Ulee

Malam Keu Lapan, Ban Kheun Nabi Beutanyakin
Saban Fahla Tuhan Esa, Joek Ibrahim
Beurangkasoe Jipuasa Ngoen Teuraweh Hate Nyakin
Sabe Fahla Hai Saudara, Nabi Yullah Nyan Ibrahim

Malam Sikureueng, Soe Teuraweh Kheun Muhammad
Saban Ngoen Loen, Wahe Kawom Ji Ibadat
Uroe Malam Hana Tinggai, Pujoe Ahad
Gata Ngoen Loen, Saboeh Payoeng Uroe Akhirat

Malam Keu Siploeh, Allah Neubri Kebajikan
Dunia Akhirat , Miseu Ibadat Uroe Malam
Udep Lam Donya, Susah Hana Beurangkajan
Uroe Akhirat, Tuhan Bri Teumpat Syuruga Lapan

Malam Keu Siblah, Nabi Geupeugah Meunoe Lagee
Soe Teuraweh Mate Syahid, Meunan Teunte
Gleh Bak Dosa Tuha Muda, Kheun Pang Ulee
Miseu Ban Lahe, Dalam Pruet Ma Meunan Lage

Malam Dua Blah, Meunoe Ulah Kheun Saidina
Muka Jih Gleh Lagi Puteh, Ban Purnama
Uroe Akhirat Meunan Meuhat, Muka Puteh
Loem Meucahya Hai Saudara, Lagi Ngoen Gleh

Malam Keu Lhee Blah, Meusoe Seumbahyang
Allah Peu Aman, Seugala Bahya
Bahya Qiamat, Han Tarasakan
Dum Keujahatan, Jeu’oh Ngoen Gata

Malam Keu Peut Blah, Bebas Bak Hisab
Dum Malaikat, Jeut Saksi Gata
Saksi Teuraweh, Gata Ibadat
Fahla Raya That, Bek Han Keurija

Malam Limoeng Blah, Fahla Raya That
Dum Malaikat, Do’a Keu Gata
Yang Jaga Arasy Ngoen Jaga Kudsi
Seulaweut Sabe, Fhla Keu Gata

Malam Keu Nam Blah, Nabi Meusabda
Bebas Keu Gata, Tamoeng Syuruga
Dan Loem Geu Bebas, Siksa Nuraka
Sidumnan Fahla, Meu Kheun Muhammad

Malam Tujoeh Blah, Fahla Tuhan Bri
Ngoen Para Nabi Saban Bandengan
Malam Neupeutroen Quru’an Suci
Fahla Tuhan Bri, Meunan Bandengan

Malam Lapan Blah, Meusoe Seumbahyang
Ka Oleh Tuhan, Bandum Geuridha
Malaikat Hoi, Bandum Ureueng Nyan
Seureuta Sajan Ayah Ngoen Bunda

Malam Sikureueng Blah, Tinggi Deurajat
Syuruga Teumpat, Firdaus Nama
Meusoe Teuraweh, Pubuet Ibadat
Malamnyan Meuhat, Sidumnan Fahla

Malam Dua Ploeh, Meusoe Seumbahyang
Fahla Jih Saban, Pangkat Syuhada
Fahla Shalihin, Meunan Bandengan
Meu Bek Hai Taulan, Han Takeurija

Malam Dua Ploeh Sa, Buleuen Ramadhan
Neubri Le Tuhan, Raya That Fahla
Neubangun Geudoeng, Saboeh Keu Gata
Dalam Syuruga , Nabi Kheun Meunan

Dua Ploeh Dua, Meusoe Seumbahyang
Uroe Keumudian, Tuhan Bri Fahla
Hana Geulisah Ngoen Meunyedihkan
Bencana Tuhan, Han Keunoeng Gata

Malam Dua Lhee, Teuraweh Gata
Dalam Syuruga, Geukeubah Teumpat
Geubangun Rumoeh, Saboeh Keu Gata
Dari Mutia, Ngoen Yakud Mirah

Malam Dua Peut, Teuraweh Gata
Neukabol Do’a Pue Yang Munajat
Hana Geutulak, Pue Lake Gata
Sidumnan Fahla, Meukeheun Muhammad

Malam Dua Limoeng, Buleuen Puasa
Teuraweh Gata, Meunoe Bandengan
Bak Azeub Kubu, Bebas Keu Gata
Sidumnan Fahla Neukheun Janjongan

Malam Dua Nam, Fahla Teuraweh
Tuhan Bri Leubeh, Fahla Keu Gata
Tamse Ibadat, Ureueng Yang Saleh
40 Thoen Leubeh , Taubat Di Gata

Dua Ploeh Tujoeh Buleuen Ramadhan
Meusoe Seumbahyang, Raya That Fahla
Leupah Bak Titi, Bagoe Sang Terbang
Pue Loem Hai Rakan, Lailatul Qadar

Dua Ploeh Lapan, Buleun Ramadhan
Meusoe Seumbahyang Di Malam Hari
Peu Ek Deurajat, Siribee Kali
Bak Teumpat Tinggi, Syuruga Lapan
`
Malam Dua Ploeh Sikureueng, Nibak Malam Nyan
Soe Yang Seumbahyang, Neukheun Saidina
Fahla Jih Sadum, Siribee Haji
Meunan Kheun Nabi, Mabrur Nama

Malam Keu Lhe Ploeh, Firman Tuhan
Loen Persilakan, Tamoeng Syuruga
Silakan Pajoeh, Buah – Buahan
Dum Asoe Taman, Ie Krueng Kal Kausa

Wasallam dari @goodhaikal

·

Bek neucopy paste tulisan gop tgk, silahkan baca syarat dan ketentuan
nyoe link yang neucopy paste : http://tgkdiyuebbruek.blogspot.co.id/2013/03/fahla-shalat-teruraweh.html#.WvyBLMQxXIU

·
·

takopi dan hana ta kopi tetap hana meunang shit. yang meunang sabe keuroroei yang di vote. petujung selajutjih kiban cara neuk beudah aceh beumaju. bek ji bantu sabee sahara jih. terimeong geunaseh

·
·
·

Bek neu seuuzon keu gop lagenyan tgk beuleun2 puasa. Perle meunang, peuget karya droe beu meukeunong. Nyo hana layak menang kiban geupeu meunang? Lon tuan bahkan hana turi ureung nyan, ken syara. Ken sabe keudro2, Tp kok jet menang. Beu seureng meumbaca le referensi yang bek ta copy, teurimeng gaseh.

·
·
·
·

emang bukti lage nyan tgk hana pu lee neuk peupanjang.

·

estt...bek macam2, syarat ketentuan berlaku beuh