Uro Mak megang

3년 전

Han ek mak bloe asoe, poma bloe gapah..
Yang peunteng dikah, beu na karasa...
Peng lhei ploeh ribe, nyoe pat mak kubah..
Peng jaktung upah, bak ureung kaya..

Kasaba hai nyak, hate beu tabah...
Bek ka peu gundah, hai bijeh mata...
Ayah geu tanyoe, geu woe bak allah..
Tanyoe geu keu bah, hana soe kira...



image

Masa ubit kah, aneuk geu keu bah...
Masa kah mirah, mantong balita...
Mwu noe keuh nasib, aneuk meu tuwah..
Oh tanle ayah, lon menderita...

Ikah kayatim, aneuk meu tuwah...
Hate meu darah, jantong hate ma..
Adak na wareh, aneuk meu tuwah..
Hana pat peu gah, ji tulong hana...



image

Wareh ngon kaom, mandum peu si blah..
Aneuk meu tuwah, hana ji niet na..
Dakna pemimpin, pih saban ulah...
Geu pandang si blah, mentui hana ma.

Pue lom yang yatim, meu nyoe hana yah..
Hudeb thad susah, dalam meu rana...
Lon lakwi meuah, haba lon peu gah..
Hana dube drah, ulon peu suna...

Nibak uroe nyoe, jeut keu noe langkah..
Hana meu kuwah, mak meugang teuka..
Deu ngon ie mata, meu bu tan kuwah..
Ngon aneuk mirah, hana veu lanja..

But uroe uroe dikamoe, meu jak tung upah..
Lon jak seu meu rah, bak ureung kaya..
Nyan keuh soe bantu, kira nafakah...
Keu susu si mirah, ka ulon mita...



image

image

Authors get paid when people like you upvote their post.
If you enjoyed what you read here, create your account today and start earning FREE STEEM!
STEEMKR.COM IS SPONSORED BY
ADVERTISEMENT